جزل العطايا والأوامر تكلّم

الله يحفظك يا ملكنا وتسلم
يا خادم البيتين درع الجزيره
جزل العطايا والأوامر تكلم
الشعب يدعي لك صغير وكبيره
غمرتنا بالطيب والكل يفهم
انك نويت الخير في كل ديره
المملكة من فضل ربي تنعم
بأمن وأمان بفضل من نستجيره
ما همنا حاسد حقود ملثم
راعي القناع الزايفة والخطيره
ثالث عشر ربيع ثاني تحطم
مخطط العدوان عز الظهيره
من حقنا نفخر ونسعد ويكرم
صقر العروبة على دربه سفيره
الدين شاله فوق رأسه ويعلم
ان الشريعة رأس مال وذخيره
يحكم بشرع الله ومحد تندم
شعبه يعيش بظل عدله وخيره
حتى المآذن ما نساها ويعلم
فضل المساجد جعل ربي يجيره
آمر يبو متعب ولياك تهتم
بأرواحنا نفديك مع كل سيره
حبك جرى بعروقنا جرية الدم
مع صورة في القلب لك مستنيره
حنا يبو متعب حزام ملغم
للي نوى بالغدر يلقى مصيره
اضرب بنا جال البحر ونتقدم
سمع وطاعة للمليك وشويره
الله يعزك يا ملكنا وتغنم
بطول العمر والعافية في المسيره
إبراهيم بن حسن بن مبارك الجريسي