عواكيس

*أخ معوكس: هل تعتقد أن نجوم العالم الذين يحترفون في الفرق الأسبانية بسبب أن الجماهير عندهم تستاهل ،أما عندنا فاللاعبون الذين نستاهلهم من أبو خمسة وأبو ريالين ؟
سفير الحلة - الخبراء
-أبو خمسة وريالين ماوقع الا بملايين يابو الشباب وسلم لنا على القلابة والكبدة عندكم!!
*السيد معوكس صباح الخير سمعت ان راشد الدكان مهاجم نادي النصر1402ه سيكون مديرا للمنتخب؟
عبدالله العبيوي أبو نايف -الكويت
-الدكان ولا البقالة المدير الله يعينه على وجع الرأس ونقاد ضم فلان وخل علان!!
*أبو العواگيس أنا حارس وعندي إمكانيات لكن فيه حارس يمسك بالواسطة وكابتن الفريق مايسمع فيه حتى المحور مظلوم يلعب بداله واحد عشانه يطبخ لهم مضغوط حمام أنصفنا تكفا ماعندنا واسطة.
أخوك عبدالعزيز الحمران
- شوفوا حال فهد الشمري وحبوا يديكم مقلوبة!!
*الاخ معوكس اللي دخل وسط الملعب ثم همس في أذن العمري وش يقول له لو إنه هلالي ما تجتمع اللجنة؟
الحميد-مرات
- تبي انجليزي أترجم لك أما الوشوشة ماخذت فيها دورة!!
*عمهم وحابس دمهم أبو العواكيس تحيه وبعد:
وش رأيك في مخرج مباراة الهلال والأهلي الأخيرة ياهو متعصب ولاعنده مهنية ماتعرفه يابو العواكيس؟
عبدالملك المرشد-عرقة
-الظاهر إنه مؤلف النشيد!!
*عزيزي معوكس تحية محبة:
وش بلا الحزم دحدر ويقولون عندهم أزمة مالية وبيعوا برادات المويه واستبدلوها بزير 500قدم
صديقك أحمد الجربوع
-أجل مانقصهم الا الزير سالم يرأس النادي!!
*الحبيب أبوالعواكيس تحيه وبعد:
ماشفت وش سوت لجنة الانضباط صراحة نكتة وقفوا هزازي يوم خلصت مباراة الهلال
عبدالله السنيدي-الرياض
-ماهي غريبة قبله الجيزاوي واتدلل ياكايدهم!
*عزيزي معوكس تحية وبعد:
**وش رأيك في اللي بدوا يلمحون ويزفون لمعزبهم مرة الماسي ومرة الفضي وخذ ياألقاب كلها نفاق وشحاذة؟
عاشق الرياض-أبو خالد-جدة
-عزّ الله ماتشوف الجماهير من الماسي اإلا المشاكل والمآسي!!
*الحبيب عكوسي تحيه وبعد:
ياخوي أبنصحك تخزن البيض البلدي شكله بيرتفع سعره ويقل في السوق والناس سرى على الدجاج البلدي في سوق الحمام؟
صديقك الغائب الحاضر حمد الدوسري وصديقه أبوعبيد.
-أقول الله يجعل طبق البيض يتكسر على راسك أنت وصديقك أبوعبيد ويصير شكشوكه ولا بيض عيون!!
*عزيزي معوكس تحيه وبعد:
شفت يامعوكس وشلون خشونة الحوسني وكوعه على وجه الزوري والصحافة لاحس ولاخبر لو اللي صاير العكس وش تتوقع؟
مفتون بالليث-عبودي
-أتوقع ملاحق خاصة وقرار الانضباط ياصل الفريق في المطار وبعدين شكل الحوسني وحديد واحمد كانو متفقين في موهبة الخشونة!!
*الغالي معوكس تحيه وبعد:
ياخي مصخها ذا المتملق له شهرين ماغير جماهير فريقي سوت وجماهير فريقي بدعت في النشيد؟
عاشق النمور-جدة
**لا ومركز فريقه الحادي عشر قل له من شافك ياللي في «خط البلدة» تفحط!!
عبدالله الزوري