حيّيت يا صقر العروبة بعد جيت

حيّيت يا صقر العروبة بعد جيت
حييّت يا راع الفعول الحميده
حلّت بنا الفرحة معك يوم حلّيت
نور الرياض أشرق ونورك يزيده
أنا أحمد الله يوم جيت وتشافيت
هديةٍ لك يا بومتعب جديده
الله يبارك لك على ما تمنّيت
ويمد في عمرك ليالٍ مديده
بديت عهدك يا أبيض الوجه بالبيت
وزرت المدينة مسجد أفضل عبيده
يا خادم البيتين يا عالي الصّيت
نجدد لك البيعة بكلمه وكيده
شعبك يحبك وأنت للشعب حبّيت
قبل أمس عيد وشعبك اليوم عيده
يا مسندي وافي وتوفي ووفّيت
وعفيت عن ذيك الوجيه المريده
مدّيت للشايب يمينك ولبّيت
ما يطلبه لو كان غيرك يكيده
أنت الذي ليا من قسى الوقت له جيت
شيّال عسرات الحمول العنيده
وأنت الذي للّي تحدوا تحدّيت
يا منشّفٍ دم العدو في وريده
وأنت الذي في قمة المجد عدّيت
مواقفك بين المواقف فريده
وأنت الذي محبوب إن رحت وإن جيت
كل الدول من طيبتك مستفيده
حاكم حكيم ومن رجالٍ نعاتيت
ونظراتهم للكون دايم بعيده
ولي عهدك يوم للعهد ولّيت
يا سعد من سلطان والله عضيده
هذاك أبو خالد وأنا به تعزويت
كم من فقيرٍ زاد بأمره رصيده
رجل الدفاع موقّت الرّد توقيت
من جاء حدود الدار لازم يبيده
ونايف هو اللي نبّت الشيب تنبيت
في روس عدوان الوطن والعقيده
أبو محمد ثبّت الأمن تثبيت
الله يجيره من شرور المكيده
وسلمان ليا حدّك زمانك وناديت
ما فيه مثله بين كل البديده
أطلب لكم ربي ليا أصبحت وأمسيت
تعيشون في الدنيا حياةٍ سعيده
وحيّيت يا صقر العروبة بعد جيت
عبدالله بن صنيدح بن غزاي العتيبي