صوت الصورة

يا ناثر النعمة على روس الاطعاس
خف من ولي العرش ربٍ يراكا
واحمد عزيز الجاه ماهب نسناس
غيرك ذبحه الجوع وانته عطاكا
جهز بن فالح العطاوي
يا شين هذا المنظر اللي تشوفون
خرّب مناظرنا وقلل حلاها
هذا ترى ما يفعله غير مجنون
يلوّث البيئة ونسمة هواها
محمد عبدالعزيز المناع، تمير
هذا هو الاسراف حق وحقيقة
ياللي تحسب إن الكرم نثر الانعام
لو هو كرم تلقى لحفظه طريقة
كم وزعت جمعية البر الارقام
علي بن ثابت القحطاني
كلٍ عن النعمة محاسب ومسؤول
اللي عقايبها جفاف ومجاعة
الخير في شيٍ قليلٍ وماكول
ولا كثيراً ينتهي بالرفاعة
سعد الحماد
منظر من الاسراف تدمع له العين
وقلبي من الأحزان يبكي جزاعة
يا ناس خافوا خالق النفس من طين
وقولوا عسى الله ما يرينا مجاعة
علي الزولاني، فيفا
إسراف تلو إسراف وأيضا به إهمال
ومن لا يخاف الله عديم الضماير
هذا يبي تأنيب من سو الافعال
بدنياك يا مسكين ضايع وخاسر
محمد بن عبدالعزيز الخنيفر
عيب وحرام وللأسف شيٍ نشوف
تبذير بالنعمة وتفريط فاسق
ماهو كرم ماهو فخر خوف في خوف
لا .. لا .. بهذا فاعله عمد باسق
جلعود لافي الهمزاني، حائل
الدين وصاني على منع الاسراف
والمسلم العاقل ما يسرف في أكله
وياللي جمعت الأكل من كل الأصناف
تحمّد الله واحفظ الأكل لأهله
مصلح بن تركي العتيبي
يا ناس ليش الطغى والميخ
تبذيركم للنعم كفران
يستاهل المسرف التوبيخ
واللي يبذر هو الشيطان
صالح بن عبدالله الجلعود
صورتك هذي يالمحرر أليمة
يا كيف البعض ما قدّر القوت
رحماك ربي من عقولٍ سقيمة
ناسٍ تحسب انه حياةٍ بلا موت
تركي عبدالرحمن الجسّاس
يا رب لطفك يا جزيل الوهايب
من نعمةٍ جارت على الناس بالحيل
بدلوها بالترف والمصايب
ترى العقوبة تفرق العدل والميل
حمد عبدالله الوايلي
يا حاذف النعمة على غير برهان
غيرك يدوّر عيشته ما لقاها
لا صرت شبعانٍ ترى الغير جوعان
يبحث عن النعمة وغيره رماها
مشاري بن محسن الغربي، الرياض
يا منظراً هالني وسط الجريدة
كوماً من الرز وايا اللحومي
يا ناس خوفوا ترى العقايب شديدة
صونوا النعمة ترى النعمة ما تدومي
عبدالعزيز بن مزعل الدوسري، الرياض
صورة العدد الماضي