اللغز

قبل أسبوعين كان لغز الخزامى من طرح الشاعر حمد مطلع الشلاحي من الرياض والذي يقول:
أبنشد أهل الفكر عن بنت ولادة
من صلبها الصلب يولد يوم نضربها
تجمع شمل قوم عقب الطعن يا سادة
يا حيها من فتاة قل ذرابها
وقد توصل للحد شعراً
يا مرحباً يا حمد والنار وقاده
في جالها ادلال فيها الكيف نشربها
وأقول دباسة الأوراق معتادة
للضرب ويدينك أحذر لا تقربها
مقرن بن متعب الهرف
هاذيك دباسة الأوراق معتاده
هذي علاماتها وهاذي مواريها
تالد دبابيسن إدقاقات وإحداده
ولجمع روس الورق دايم مساعيها
عبدالله حبيب - الصمان
يا كاتب اللغز لغزك واضح إمراده
وكم جملة غامضة لاجات نعربها
البنت لمعانق الأوراق معتاده
دباسة للورق كل مجربها
سلمان بن تراحيب الضباطي
يا مرحباً بك وحل اللغز لي عادة
وعبر الخزامى حلول اللغز نكتبها
البنت دباسة والصلب هو زاده
من بطنها تطلعه ما أبطيت أجربها
محمد بن عبدالله بن حسن - الدعيسة
هجوس فكري لحل الصعب معتاده
ياما عطتني الليالي من تجاربها
اللغز حله ما يصعب والفكر جاده
دباسة أوراق نضرب فوق غاربها
بحلس الحارثي - الطائف
اللغز طول علينا ما هي العادة
يالله عسى رمعته محدن يحير بها
أم الدبابيس دباسه وصياده
تطعن لها جملة الأوراق نضربها
صلاح عبدالله اليابس - رحيمة
المنحرف منحرف ما همه بلاده
والزمرة الفاسدة لازم نأدبها
والحل جالك بلا نقصان وزيادة
من قبل ما تدبس الأوراق رتبها
سيف مويزر مشعان البدراني
يا حي لغزك وحي النظم واعداده
أنا أشهد إنك بنظمك ما تعثر بها
والبنت دباسة للبيض صياده
تلم شمل البنات ولا يعذربها
نايف النايف العتيبي
ولم يتوصل للحل نثراً أحد.
لغز الأسبوع
من طرح الشاعر عبدالله عوض الله الحوفي من الحناكية ويقول:
أنشد أهل العرف ورجال الصحافة
وكل نشمي عسى لغزي يحله
ويش بنت واقفه وقفت عفافه
في محل صلف والعالم تدله
نستقبل الحلول على الفاكس 4871070 أو الإيميل
RB-khozama@alriyadh.com
مع ترحيبنا بطرح الألغاز الجديدة