بيت وصدى

الأسبوع الماضي كان بيت الأسبوع من طرح الشاعر فهد عقيل الطويان من بريدة حول موضوع عدم مصداقية بعض حملات الحج من حيث تقديم الخدمات والذي اقترح موضوعه الأخ عبيد مونس والبيت يقول:
يا منظم للبيت حملات للحج
ما تكتبه بإعلان لازم توفيه
وقد كان صدى البيت:
ما فيه صدق وكل حمله لها عج
والكل منا ساكت عن بلاويه
وإن جيت تبغى تشتكي ما تحجحج
ما فيه أحد يسمع ولا الوقت كافيه
أموال توخذ والخدمات تحرج
كذب وتلاعب من بعضهم حكاويه
حمود سعد المطير
- الرياض
شي نشوفه وكلن اليوم يحتج
ولا صدق على فعله ترى اليوم يعفيه
هذي قضيه واجب انه تعالج
والصدق مطلب واهني من مش فيه
تعطى علوم دربها اليوم معوج
لا تغدر المسلم ترى الرب حاميه
محمد بن عبدالعزيز الخنيفر
- أشيقر
إذا أتوا من كل فجاً وراء فج
يرددون الصوت - لبيه - لبيه
قدّم لهم ما جوبهم لا تهجج
اللي كتب بالعقد لازم تسويه
والله ما تقبل حجتك لو تحجحج
اللي عقد عقداً يجب يلتزم فيه
زبن مقبل العنزي
- بريدة
البعض يبرم عقد ويزين الهرج
وإن جيت للواقع كذوبه دعاويه
وإن جيت تتكلم والا الوقت محرج
يصعب تلاقي حملة وحقك يتيه
البعض منها هج والبعض معوج
ياهل الوزاره حالخطا حققوا فيه
غالي محسن الرويلي
- عرعر
يا صاحب الحمله ترى الأمر محرج
لا صارت النيه محايل وتشويه
العقد ملزم بك ولا فيه مخرج
لا بد ما توفي شروطه وتعطيه
سعود بن سعد الحافي
- الرياض
احذر تخادع كل من حج من فج
لأن هذا الحاج ربه بيحميه
ولا ترفع الاسعار وتكثر من الهرج
والمسلمين ضيوف ربك تلبيه
لازم تحق الحق والصدق منهج
والا الحقيقه فاقد الشيء ما يعطيه
فهد خالد الفريجي
بيت الأسبوع
تجاوباً مع اقتراح الأخ عبدالله السند من الرياض حول موضوع مزاينات الإبل وظهور المباهاة والبهرجة والتنافس في البذخ بدون مبرر أرسل للصفحة الشاعر عبدالعزيز الصقيري هذا البيت:
زاد التباهي فيك يا مزاين البل
حتى اغدا مزاين صياوين وبيوت
نستقبل صدى البيت بثلاثة أبيات تدور حول خروج مزاينات الإبل إلى أمور غير جيدة من شأنها المساس بالموروث الشعبي وكذلك ظهور العصبية القبلية بشكل يثير الاستياء وظهور سوق سوداء تثقل كاهل أهل الإبل.على الفاكس: 4871070أو الإيميل:khozama@alriyadh.com
اقتراح لموضوع بيت الأسبوع القادم
بعث للصفحة الأخ خالد الحماد من الرياض اقتراحاً لموضوع بيت الأسبوع القادم وهو بيت استسقاء.