اللغز

الأسبوع الماضي كان لغز الأسبوع من طرح الشاعر صالح تركي بن باين والذي يقول:
انشدك عن جملة بكار مجاهيم
أذيالهن بيض وارقابهن سود
لهن على أهل الطيب حب وتكريم
وبعض العرب تلقى بهن كل منقود
ما تستريح لشوفهن قايد الريم
لو يجتمع فيهنه الطيب والجود
وقد توصل للحل شعراً:
سر يا قلم سلمتك الامر تسليم
وكتب حلول صغتها بعد مجهود
اللغز بعد جهود وفكرة وتقييم
لقيت حلة في هل الجود موجود
الشيب حل اللغز حسب المفاهيم
هذا حسب ما الشوف وبليس ملدود
سلطان بن حمد الحبابي - الطائف
عندي جواب اللغز ما هو بتوهيم
واثق ولا يحتاج شرح ومجهود
لا كف سواد الشيب هل فيه تحريم
هذا السؤال اللي من العام منشود
عمر هذال البريك
يا مرحبا بالكل ربع ومعازيم
والعمر يفنى والنقيصة من الزود
يهل اللحا صبغ اللحا شغل ترهيم
بيض اللحا ما عابهم قول ياعود
سالم البشري - الجبيل
يا صالح التركي سؤالك يبي جيم
إذا قريت اللغز فكرت بالذود
والحل شيب لا ظهر فيه ترميم
خلا العرب صبيان لو كانوا جدود
علي رشيد الرشيد - رياض الخبراء
بعض العرب للشيب قاموا بترميم
يرممون الشيب والصبح موجود
والشيب له حشمة وقيمة وتكريم
وجذوعه الأرقاب وأطرافه السود
محمد عبدالرحمن ابودحيم - البدائع
أبا اذكر الغافل وأبا اصحّي النيم
وأبدا بنفسي وكل ناشد ومنشود
خمس قبل خمس وبالأمر تسليم
منهن شبابك قبل ما تبيّض السود
محمد بن عبدالكريم الشايع - بريدة
صالح لو غبيت بعض المفاهيم
لكنها الألغاز والسهو مردود
الراس شعراته بياض وبه سود
ومن صانها تكريم والدرب محمود
سعود عائش الحربي
يا مرحبا بك عد ما يمطر الغيم
واعداد ما ينبت ما أزهار وورود
اللغز حله ما يبي كثر توهيم
الشيب يطلع بالصغيرين والعود
فالح غازي الحربي - رياض الخبراء
كما توصل للحل نثراً:
محمد عبدالرحمن التركي - الدمام، محمد حمدان العتيبي - الرياض، عبدالله سند الشمري - الرياض، متعب فريح الثريباني - الرياض.
لغز الأسبوع
كتبه للصفحة صالح البشري ويقول:
يا ويش عذرا بالغلا قرة العين
لها مكان أكبر من أمك مع أبوك
تسوى الكنوز الطايلة والملايين
وليا صفت لك ما تبي كنز وبنوك
نستقبل الحلول على الفاكس: 4871070أو الايميل: khozama@alriyadh.com