عواكيس

@ يا عواكيس وش رايك في (الداهية): مالك هل يستحق افضل لاعب آسيوي وتكفى ترى صوتك مالنا غنى عنه؟
"عبدالرحمن مسعود حمود القحطاني - الرين"
- يستاهل أبومعاذ
@ اخوي معوكس الا توافقني الراي بأن كثر المعرفات النسائية هذه الايام في زاويتك يوحي بوجود خلفها تماسيح.
"فهد الحربي النسيم"
- التماسيح منتشرة في مستنقعات حارتكم
@ اخ مكوس يالييييل ماطولك .. بعد سالفة عقد قناة نادي الهلال مع إي آر تي يعني التشفير فينا فينا حلوه أخ معكوس اليوم.
"مؤدب طايح من السطح"
- انت ما تعورت من كثر ما تطيح.
@ السلام عليكم اخوي معوكس ماسر نجوميه احمد الفريدي ولا الرقم 51يلعب دور نبغى رد بدون تصريف.
"أخوك مشعل بن عبدالعزيز الحبيب - الرياض"
- لو على الرقم كان مع ظهير قبل
@ مرحبا معوكس مين تتوقع يفوز في بطولة دوري المحترفين؟
"الهلالية: ريم الخرشي".
- وبعدين يا ريم مافيه الا انتي ارد عليه
@ يا هلا بزين الحلايا معكوس انا قد سمعت مثل يقول اللي ماله ماضي ماله مستقبل بس بعض الناس مومقتنعين فيه.
"(كينج سفن اب (فوار)) مصنع الجميح اللي على خريص".
- اسمك طالع عنوان بالغلط
@ يا عواكيس سؤال يسدح نفسه وش رأيك في الدوري القطري يقولون افضل من الدوري السعودي؟
"ريكيلمي 01"
- خصوصاً والدوخي يلعب فيه
@معوكس المشاكس وش رأيك في محمد الشلهوب
"تحياتي سبيعية هلالية الخرمة"
- مثل رأي في ميسي
@ على طاري الصورة لو أرسلها شطب "مقص الرقيب زاويتك" وأنا ما ابي اكون طرف في مشكلة مع اي كائن حي. وشكرا.
"المهادي القحطاني - الرياض"
- حلوة كائن يا كائن
@ معكوسوه متى آخر مرة شفت وجهك؟ بس صراحة شنبك أحلى من يحيى
"ريم - الرياض"
- ترى للحين ما شغلوا "حلاقات"
@ صديقي العزيز معوكس: افتقدتك وأفتقدت قفشاتك طول الاجازة من طول الغيبات جاب الغنايم - وصورتك بالبدله ماذا يعني؟ لماذا تغير شكلك يبو الشباب او تفاعلا مع البطولات؟ صديقك الدائم
"معاذ الحميد - مرات"
- تماشياً مع موضة المسلسلات التركية.
@ وش رايك بمستوى العملاق محمد الدعيع.
"أخوك سالم الخضيري"
- كنه برج الفيصلية
@ معوكس اتحداك تعرف وين تقع قرية مزعل.
"عريفيه من مزعل.."
- متفرعة من طريق "فرحان"
@ اخوي معوكس اولا وش رايك في لاعب الهلال ويلهامسون ثانيا وش سبب خسارة الشباب من الرائد 4ما تحس انها كبيره.
"اخوك ميلاني هلالي"
- ويلي يبي يجي القيظ ويميع
@ اخ معكوس.. السلام عليكم.. أبغى تعليق بسيط.. "المنتخب السعودي يستحق ان يكون من الأربع الأوائل في كأس العالم 0102م".. ولعلمك المنتخب قدها.. وقدود..
مع تحيات: "مواطن محب للوطن"
- كل شي ممكن
@ سلامو عويكس اخبارك الزبده دايركت بالموضوع وش رايك بالاندية اللي طالعه مثل ابها والرائد؟
"خالد عاشق الهلال وياسر"
- خبر يبان ممكن صبح يطلع
@ وش رايك باللاعب ياسر القحطاني؟
"مطيريه كول"
- احسن من خالد الدحيدح