وش تقول؟!

كنت أقول إن المسافه بيننا صارت طويله
ما تبي تصدق؟! بكيفك للأسف هذي الحقيقه
صعب تصديق الحقائق لاغدى الأعمى دليله
وأنت يا مسكين أعمى في الأحاسيس الرقيقه
يا ما وجهتك ويا ما قلت لك هذي الوسيله
كنت أقول الدرب منا.. لكن عنادك يعيقه
والله إن متون قلبي شالت حمول ثقيله
شالت جروح وخفايا غيري لا يمكن يطيقه
بس جرحك يا عزيزي من صعاليك الرذيله
أدمى إحساسي وكانت طعنته جداً عميقه
ليت يقوم انه تمادى ما نسى فعل الجميله
يوم أرحب به وأهلي وأنحر قليبي عقيقه
يومها كل المشاعر حذرتني من سبيله
قالت احذر لا تأمن يبدو "أعمى" بالسليقه
لكن اني من غبائي قلت بعيوني بشيله
مسكنه كان بخفوقي والضلوع المستضيقه
كان أول من طعني وأشعل بقلبي فتيله
وآخر اللي فكرو بي يوم أنا بهمي غريقه
طبع جرحك من طباعك كلكم نفس الخميله
حضرتك راس النذاله وهو من أشعل طريقه
كنت أدفع عن وجودك وأجبر النفس العليله
تنسى إخفاقك بحبي والطعون المستفيقه
يا ما صفقت بيديني ما بيدي أي حيله
كنت من ضيمك أموت ألف مره بالدقيقه
والله إن مدات جرحك كانت لقلبي جزيله
واللي سويته كثير واهتي عندك موسيقه
تدري ما جيتك أعاتب واللي مثلك ما نجيله
الردي بأصله سواته تستحي منها الخليقه
جيت أقول إن المسافه بيننا صارت طويله
وقلبي أصدق من عرفته للأسف هذي الحقيقه
أمل الرجيعي