جابك الله مثل حلم وطاح من بين السحاب=كم تعبت أرجي هطوله ..يروي أغصان الكفوف جابك الله مثل شمعة ..وأشعلتني بالعتاب=من بعد ما كنت تايه بين همّ ..وبين خوف كنت أشوف الصبح صحرا .. والأمل عندي ذهاب=والصبر مثل الجبال النايفة فوق الكتوف كنت ألمح صورتك بين الحقيقة والسراب=كنت أحاول أرتشف من فيض نظراتك رشوف كنت أشوف الليل موحش .. كن له مخلب وناب=كنت أحاول أسكنك من خلف جدران الخسوف كنت أنادي لك ويحرمني الصدى رد الجواب=كنت أحسّ إن الرسايل تختنق وسط الظروف كنت أجمّع لك عيوني كل م..أسمع صوت باب=صارت عْيوني شتات ..وصارت أوهامي ضيوف كنت أدوّر في محطات الزمن رحلة إياب=خلف شبّاك الأماني كم تعبت من الوقوف كنت أشوف الوقت سيف ..وقسوة أيامي رقاب=بس صار الوقت ما يقطع مثل قطع السيوف ما يموت الشوق لو تطعَنْه سكيّن الغياب=وما يموت الحب مهما يشنقه حبل الظروف فرحتي في جيّتك طفلٍ لبس بيض الثياب=في نهار العيد يركض لأجل عين أمّه تشوف فرحتي فرحة معانق للوطن عقب اغتراب=فرحتي بين الحنايا صوت ترحيب ..ودفوف فرحتي مثل الظما اللي صافح يْدين الشراب=فاحت أزهار الحياة وذبلت أزهار الحتوف فرحتي ما يختصرها لا قصيد .. ولا كتاب=فرحتي أبلغ من إحساس القصايد .. والوصوف العمر رحلة .. وأنا عمري معك مثل الركاب=دام عمرك لي ركاب وحولنا " أربع " حروف من هنا..لْ..بكره..لْ..بعده..من هنا ليوم الحساب=قلتها واستغفر الله .. رغم لوعات الصروف ما يموت الشوق لو تطعنه سكيّن الغياب=وما يموت الحب مهما يشنقه حبل الظروف
