حرفه لها في ماضي الوقت تاريخ من التراث اللي بقا اليوم ذكراه

حرفه لها في ماضي الوقت تاريخ
من التراث اللي بقا اليوم ذكراه
يوم العرب في البر سيروا مناويخ
كل يدل الدرب في سيرة اخطاه
معهم خيوط ونسج ربع مطانيخ
ناسٍ لهم رحله مع المجد والجاه
حمد عبدالله الوايلي - حوطة سدير
هذا التراث اللي من الناس تهواه
فيه الأصالة والإجادة من سنين
مهما الزمان يطول كلٍّ تمناه
في قلوبنا دايم يزود الحين
نورة الفاضل - بريدة
شوفوا ترى التطريز فن وبراعه
يحتاج في نسجه يدينٍ تجيده
عقب التطور انتجوا به صناعه
من كل دوله تصنع لنا جديده
صادر ووارد باختلاف البضاعه
وعلامة التصدير فيها حديده
سليمان بن عبدالعزيز السنيدي - الرياض
يا زين مشغولات بالصوف بيتيه
طواقي أو طربوش من ماهره فيها
حرفه أصيله من يوم هيه ابنيه
جتها من الجدات وحظت عليها
مشغولات بيتٍ ميه بميه
زودٍ على الحلا سعرها فيها
سعود عائش الحربي - جدة
صورة العدد السابق