الحل عملة تشمل الشرق والغرب عسى توافق رمعتي في قبوله

كتب لغز الأسبوع محمد مقحم المقحم من الرياض ويقول:
أنشدك عن عذرا لها في البشر حرب،
اقول قولي ذا وكلٍّ يقوله.
أول وثاني حرف له بالنسب قرب،
هنيّ من ربعه والاقراب حُوله.
والثاني وأول مخاواك للسرب،
عسى اللي تخاويه تنفع فعوله.
والرابع وثالث تشوفه مع الدرب،
في البرّ ترجي ما يطوّل مُحُولِه.
وتوصل للحل:
لغزك يابن مقحم قريناه عن قرب
واللغز مليان وكلن يقوله
والحل عملة تشمل الشرق والغرب
عسى توافق رمعتي في قبوله
علي الرشيد - رياض الخبراء
تلقى الدول مابينهابين في ضرب
بسباب عمله لهم صوله وجوله
عمله تداول مابين الشرق والغرب
واسعارها نحدد حسب قوة الدوله
هذا جاوبي والقاف جاكم على ارب
وقول معي امين يمدفي العمر طوله
حمد عبدالله الوايلي - حوطة سدير
سلمت يا محمد على لغزك الذرب
واللي يشوفونه وخوذوا حلوله
واللغز حله(عملةٍ) تخلق الحرب
نَاسٍ بها ربحوا وناس معلوله
سعود عائش الحربي-جدة
مابين جمع وطرح والقسمه وضرب
قعدت ادير اللغز وابغى حلوله
حتى لقيته ماهو للاكل والشرب
عملة دول تلقاه في كل دوله
عبطان السويدي - الرياض
لغز الأسبوع
كتب لغز الأسبوع الشاعر سعود ثواب سليم المطيري من القصيم ويقول:
انشدك عن رجال طيب مقامه
أن قام والا لا قعد مابه الفود
مع صاحبه لا زان حقق مرامه
وان شان معه يخسره كل مجهود
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com