من طعنة اللي تحبه ليش مستغرب أغلب جروح البشر من واحد غالي

كان بيت الأسبوع الماضي للشاعر زيد العتيبي والذي يقول:
من طعنة اللي تحبه ليش مستغرب
أغلب جروح البشر من واحد غالي
وكان صدى البيت من الشعراء رائعًا وفيه من الفن الشعري الكثير:
أنا خذيته عهد لو كان من زغرب
يكفي غلا،، والبشر بحدود جوالي
أحمد مهجّع الفريّسي
وياكثر ناسٍ معاهم ناكل ونشرب
لو المنيّه معه،، اعطاك طوّالي
محمد المرمش
هذي هي الناس، لا تِبعد وَلا تقرب،
تمشي على المصلحة من اول وتالي.
ان كان بك خير جاك المنشد ومطرب،
وإلى لقوا غيرك افضل جاك الاهمالي.
الله خلقهم كذا، دربٍ عليه ادرب،
واصبر، وراعي الوفا جازه بالأفعالي.
محمد مقحم المقحم - الرياض.
وياما سلينا مع اللي بالهوى يطرب
نصبر على نارهم في كل الاحوالي
مشعل اللوقان
وناسٍ تبسّم معاك وبالقفا عقرب
وخلك حذِر دايمن من غدر الانذالي
جايز الصقيري
صدقت يا زيد كم من واحدٍ يشرب
ألمرّ من كف من قد جابله حالي
مالوم ذا من كثير الغدر لو يهرب
لو عاش بارض الفلاه في الخلا الخالي
من خاين العهد يا زيد انتبه تقرب
لو كان لك من عيال العم والخالي
محمد عبدالله الشهري - مكة المكرمة
طبعِ البشرْ مختلفْ في مشْرِقِ وْمَغْرِب
البعْضِ وافي وِبَعْضِ الناس محْتالي
يالله عسانا لِغَدْرِ صْحيبِ ما انجرّب
يالله عسى اظْنُوننا ما اتْخِيب في غالي
بعْضِ المصالح تِبَعِّدْ ناسِ وِتْقَرِّب
واللي أصيلٍ عَوِينِ بْكِلّ الاحوالي
ما كلِّ مِنْ تَصْحَبهْ في مَوْقِفهْ يِطْرِب
صكّاتِ بَقْعَا لبعْضِ الناسِ منْخالي
ناصر جمعان آل عوض - وادي الدواسر
لاتامن الحضف والديبان والعقرب
وصبر على جور وقته هو وياالصالي
عايد سند الشمروخي
الخوه اللي بها الاخيار ماتخرب
واهل المصالح مع الاوجاع سلّالي
رشيد الغالب
أشد وأبشع ضرر من صعقة الكهرب
خذلان ،، من تحسبه لك فيّ وظلالي
غالب الضويلي
المعدن الزين مايحتاج ومجرب
ولا الردي سهمته ياكود يحتالي
صقر الغالب
اصبر علي طعنته لاتصير مستغرب
واطلب له المغفره من ربه الوالي
خلف السندان الرمال
صحيح والله أبد ماهو بمستغرب
اول جريمة لها تاريخ ينقالي
فهد الاطرش
ابعد عن اللاش دام ٍ لك عنه مهرب
لو عشت عمرك وحيدًا بالخلا الخالي
راجي السويدي
الصاحب اللي خبيثن صار ويعذرب
اللي يحط النفس في درب الاذلالي
عواد الزبده
الخايب اللي على الهفوات متدرب
هذاك لأ تامنه حطه على البالي
نداء ابن زويمل
لو حج مكة وصلى الجمع في يثرب
مايِنسي المر ،، طعم السكر الحالي
خلف العجلان
طعنات الاقراب كنه لدغة العقرب
مذكورة ٍ في قديم الوقت والتالي
عبدالله غازي الرمال
الحب صوّب عقاب وراعي الاجرب
وانا شكيته وصرت ابكي على حالي
عايد الشلاقي
ما الفايدة وسلك المحبة فيه كهرب
والصبر من عندك ياعزيز الجلالي
تبقى على طول الدهر ودمها يسرب
والجروح ما تطيب والدم شلالي
والكبد ما تقبل الهماج لو تشرب
وتابى النفوس العاليات الجدالي
صالح البشري
احرص على اللي محبته دايماً مكسب
وهذي هي الدنيا بها المر والحالي
بندر اللوقان
البيت واقعي والناس له اقرب
احذرمن الي عزيز ومنزله عالي
لاتقول هذا رفيق وخوته تطرب
وتعطيه سرك وكل خافي حالي
يقلب عليك في لحظه الاجرب
قام يتنكر ضارب عرضه الجالي
يبوربوره ويقطع ماه ماتشرب
في خاتمه ماتطري على البالي
وحتى لوقال انامن اهل يثرب
عشنا تجارب كثيره مالها امثالي
حمد عبدالله الوايلي - حوطة سدير
القوس قبل الغوص مضمون ومدرب
ولاينفعك عكسها يامبعد الجالي
تركي الضمادي
بعض العرب فكره يشرق ويغرب
ياخذ غريفك اوله ثم تالي
والا منه فهم حياتك تقرب
يوهمك الود و خاطره عنك سالي
و الا زانت الفرصه تراه يضرب
مافكر بعشرة سنين وما يبالي
ذاك الردي لو يطعنك لا تستغرب
طبع الغدر مع الردي شي مثالي
مها العبدالسلام - الرياض
بيت الأسبوع
كتبه للصفحه الشاعر حمد عبدالله الوايلي
من حوطة سدير ويقول:
الطيب ما يقبل ردي الهقاوي
وترى الردى يصعب على راعي الطيب
نستقبل صدى البيت المطروح خلال ثلاث ايام
من نشر البيت المطروح على إيميل الصفحة:
rb-khozama@alriyadh.com