صار الزواج اليوم تقليد للناس كل يفاخر به ولامن وناسه

كتب بيت الأسبوع الماضي للصفحة الشاعر عبدالله مطير الحمدان من حائل والذي يقول:
صار الزواج اليوم تقليد للناس
كل يفاخر به ولامن وناسه
وهذا صدى البيت من الشعراء :
وزادت تكليفه ولافيه نوماس
عدد ديونه كثر شعرات راسه
عادات والعادات ماترفع الراس
كل يماري والبحر وش مقاسه
راحت عنوسه مالها حد وقياس
مجبور لاصار الحبل في مساسه
الوعي مطلب مايبي حيل واحساس
خل التواضع والهدف لك فراسه
حمد عبدالله الوايلي - حوطة سدير
الله يكافي، وش حصل؟ قلت لا بأس
والله يصبّر من غثا الوقت داسه.
لو قست باللي فات ما تاجد قْياس،
الجيل في هالوقت معلن فلاسه .
ما اهنا امٍّ تْعلّم ولا فكر حسّاس،
والمعرفة تقليد والّا دراسه
إقبل بما عندك ولا يجيك وسواس
هالجيل صعبٍ في التعامل مِراسِه
محمد مقحم المقحم-الرياض.
بنصح لبيب العقل فالوضع حساس
يحتاج للماضوع بعض الدراسه
كم واحدٍ حساد يمشي مع الناس
فاحذر منه ياجيك شره و باسه
هذي نصيحه قلتها لك بقرطاس
الادمي يكفيه ربعه و ناسه
محمد عبدالله الشهري- مكة المكرمة
زواج هالايام ِ جِلِّه دوخ راس
كُلُوفه و تقليد و مظهر اساسه
ما بِه بساطه او جِمالٍ بالاحساس
مِيزات وقتٍ يا اسف راح ناسه
وملاحظ التبذير في جِل الاعراس
خَص الطعام او ديننا به سلاسه
سعود عائش الحربي - جده
اليوم فالافراح موضات الاعراس
كل ٍ على الموضه يقوده حماسه
يمشي على تقليد دبكات مرواس
مرواس جيل ٍ داخله لين حاسه
ضيع تقاليد ٍ على العز والساس
ورث ٍ من اجَداده تدرس دراسه
لشبابنا منّبر وترفع لهم راس
فالمملكه موروث لاجيال ناسه
مشعل بن صنت العصيمي- الخرج
تبجحت ناس وهي ضمن الاهداس
تجاكروا والمال يبغى سياسه
نصيحتي للي تولاه وسواس
اركد ترى الايام فيها انتكاسه
اشكر لربك واحمده خالق الناس
وترى الكرم بالعرس منهار ساسه
رجا بن عادي - الرياض
بيت الاسبوع
كتب بيت الاسبوع منصور شلويح العنزي من الرياض ويقول :
الزمن يركض ودوراته سريعه
وكل شى فات يصبح ذكرياتي
نستقبل صدى البيت المطروح
خلال ثلاث ايام من نشر البيت المطروح
على إيميل الصفحة:
rb-khozama@alriyadh.com