قوي باس

الشاعر سالم بن جخير وقصيدة في صاحب السمو الأمير جلوي بن عبدالعزيز بن مساعد، أمير منطقة نجران
يالله وانت اللي غني عن الناس
ياقابل التوبه ويامعتمدها
اعوذ بالله من كل وسواس خناس
والجى اليك امن النفوس وحسدها
واعوذ بك يالله من درب الافلاس
في ساعةٍ الأم تنفر ولدها
والشعر لامن صار من قلب وحساس
تأتي بيوته راسخاتٍ عمدها
الشعر ماهو حبر في وسط قرطاس
اكبر من القرطاس والحبر وادها
والمرجله والعز والطيب والباس
ماهيب لحية من بغاها وجدها
وانت جلوي واسمك عصابه على الراس
فيك القصايد تنتخي من قصدها
لك في سنام المجد مركى ومجلاس
ولك من طواريق القصايد جددها
فيك المراجل مالها حدود وقياس
اعدها لكن ماحصي عددها
ذكرك ليامن هب ذعذاع نسناس
عطر نبات الأرض وانعش حمدها
قوي باس وطيب راس وفخر ساس
تجمعت بك يوم غيرك فقدها
صامل ومتحزم وراهي ومدباس
لو انتخيك الجن شافت سعدها
انت الذهب وانت العطا وانت اللاماس
وانت المزون اللي تناثر بردها
من رافقك يبشر بفزعه ونوماس
ومن عاندك عينه يطول رمدها
اسمك حفيد العز وابوك نبراس
وخال الحرار اللي ينومس هددها
من عادها بسيوف ورماح واقواس
وافعالكم مثل البحور وزبدها
انتوا حزام الدار والدرع والطاس
وانتوا ذراها فالحروب وسندنا
وحنا لها يوم ان الارياق يباس
افعالنا تصدق ونوفي وعدها
نطرب على صوت الفشق كنه مرواس
ونحل صعبات العقد ونعقدها
ونطلع كما يطلع من الحر قرناس
كم روس قوم ودعت من جسدها
مانعرف الذله ولا نعرف الياس
كن المنايا تنتخي من وردها
واللي يخون الدار يقهر وينداس
نقول له لو كنت رجال عدها
اقولها والناس فالواقع أجناس
حكمه رصدها العاقل اللي رصدها
الله يقطع كل خاين وبلاس
عساه في نار الجحيم ونكدها
المملكة نعمة من الله لناس
نعمة ولاتبغي سوى من حمدها