صوت وصدى

البارحة ما طب في عيني نعاس=أسامر أنجومِ تلالا وهجها
سهران ليلي واضرب أخماس وأسداس=والفكر قرب مهرته ثم سرجها
مارس قبل يمشي مع الدرب عساس=مضمون بأمر الله عالي درجها
ومن بعدها بكتب حروفِ بقرطاس=أبيات شعر من خيالِ نسجها
تنصاء صديق بالوفاء صار نبراس=عرفه فخر والخاذلة ما هرجها
يابو حسن يا طيب الساس والرأس=اصبر وتأتيك أليال بفرجها
أنا تراني من عنا الوقت منحاس=والصدر به ناراَ تواقد وهجها
مثلك علي من ضيم الأيام مرواس=يا معرب الجدين رجليك سجها
سجها وباب الله مفتوح للناس=ناج الكريم اللي بيده برجها
وأنا معك واحسب علي بدت الناس=كلمة شرف من جابها ما بعجها
الصدى - سعد الحويماني
يامرحبا ترحيبة العود لدباس =بابيات قرمٍ من ضميره زعجها
ترحيبةٍ تاصل الى حد تكساس=وتهزها وتهز شعباً ولجها
بالشاعر اللي للجزيلات غطاس=ماضاع فكره والجزال انتهجها
من لابة ٍ فيها المراجل بلا قياس=بالفعل -بالكلمه قويه احججها
يقوله اللي دق في فكره اجراس=وبيوت شعره لاكتب ماعوجها
ولايستمع في قول حاسد وبلاس=ولا يلتفت في ناس زايد لججها
ولا له مع الرديان رفقه ومجلاس=واليا سمع له سالفه ماعلجها
يابو محمد الف لا باس لا باس=دنيا على الطيب تزايد رهجها
ان طالت العله علينا والاتعاس=هاذي مقاديرٍ من الله نتجها
اب نحتسب للاجر من خالق الناس=اللي كتابه كل بدعه فلجها