الحل جوال ولابه من جِدال ما عَاد مِع وصْفِه توصف ذالزمان

كان لغز الأسبوع الماضي من طرح الشاعر محمد مقحم المقحم من الرياض
ويقول:
أنشدك عن عودٍ إذا ناديت قال
(أنا مع العالَم بهذاك المكان)
وإن كان ما ناديت ما لقّاك بال،
كنّه عدوّ ٍ لك ولا عنده حنان.
مع أنّه يكلّف ويُشرى بالريال،
وتْحبّ دايم صحبته في أية مكان.
ونظراً لعدم وجود رمعات صحيحة من الشعراء رغم كثرة من أرسل الأسبوع الماضي قمنا بإعادة نشره مرة أخرى، وتوصل للحل الصحيح:
النت والجوال عندي يارجال
موجودة ياسعود في كل المكان
تقضي لزومك دوم لاحل المجال
هذا جواب اللغز والمخفي بان
محمد أبو دحيم - البدائع
لي رمْعةٍ لعلَّها حلت سؤال
وِيا جِعلها تِصيب مِع جملة اخوان
الحل جوال ولابه من جِدال
ما عَاد مِع وصْفِه توصف ذالزمان
ومِن يوم جانا النت والهى للرجال
الوقت يمضي ياولد شوف العيان
سعود عائش الحربي - جدة
يامرحبا باللغز واللي له مجال
ابرمعه ببيوت جزلات سمان
هذاك كنود يالاخو والا جوال
وانا اعتقد الحل مضمون ضمان
حمد عبدالله الوايلي - حوطة سدير
اللغز حليناه ماهو بالمحال
هذاك جوال وله وزن وشان
وان جاك ظني بالجدايد والسمال
الكمبيوتر واللغه مثل الاخوان
حاتم الشاهر - الرياض
سلام يامحمد ولغزك لايزال
قول مؤكد له براهين و شان
جوال حل اللغز ياولد الحلال
والنت له دور اذا المطلوب حان
علي الرشيد - رياض الخبراء
يالمقحم اللغز الذي سبب اشكال
اقضب مني حله وجوالك ضمان
الحل جوال مع النت الخيال
وشاركت في حلي يوم الكيف زان
سميحان فهد السويدي - الرياض
البارحة فكرت باللغز العدال
يوم حله مالقوه اهل السنان
والحل جوال بلا شك وجدال
واشكرك يالمقحم من قلب ولسان
خالد إبراهيم المرشود - الرياض
لغز الأسبوع
كتبه الشاعر: شجاع حمود بن رمال من الرياض ويقول:
بنت تذخر للامور الصعيبة
بنت تجيب رجال وتبلش رجال
اول ثلاث حروف مجد وهيبه
واول ورابع حرف يعرف بالاقبال
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com
1000_b7a2b40071