قصدك حياة البرزخ بدون تخمين يارب ييسرها علينا بمرضات

كتب لغز الأسبوع الشاعر علي الرشيد من رياض الخبراء والذي يقول:
يا ويش بنت لها اخوات ثنتين
أخبارها مجهولة مالها إثبات
تمر على الإنسان ويعيشها اسنين
يما يمر ابعز ولا إهانات.
والذين توصلوا للحل شعراً ونثراً كل من:
يالله طلبتك يوم نصب الموازين
تغفر ذنوبٍ يا الهي كثيرات
وقصدك حياة البرزخ بدون تخمين
يارب ييسرها علينا بمرضات
وبالجنة اللي به رياض وبساتين
مقرنا وتمحو خطايا كثيرات
صالح عبدالله الزرير التميمي - الرس
اعلي لغزك على الراس والعين
حافِه شِطيرٍ باصْعب الغَطْو بالذَّات
حياة البرزخ حل يا ربي تِعين
وايامنا هي والليالي لها اخوات
سعود عائش الحربي - جدة
لغز سمعته مع رجال الدواوين
والحل جاء بالبال وابديت الابيات
البرزخ اللي بين ذيك الحياتين
والله يرحم كل من قبلنا مات
خالد المرشود - الرياض
الحل برزخ هقوتي يالفهيمين
الله يضاعف اجرنا واجر من مات
اجدادنا واحبابنا والمسلمين
يا كثر ما نسمع رسايل وفيات
محمد بن عبدالرحمن - ابودحيم - البدائع
حي الله اللي جاب لغزه ببيتين
وحليت لغزك يا فنى الجود بابيات
البرزخ اللي يذكرونه هل الدين
امنت فيه ويرحم الله من مات
علي مونس الجدي - الرياض
يا بو رشيد اللغز للدار دارين
دار هي الدنيا ولابه امراوات
حله حياة البرزخ وبين ثنتين
أما حياة الاخره حكم واثبات
طلال فهد الرشيد - الرياض
لغز الأسبوع
كتبه للصفحة الشاعر سعود بن ثواب سليم المطيري ويقول في لغزه:
يا ويش رجل مايخلي خويه
في ما قفن كايد وناشف به الريق
رجل كريم ولاش شي حليه
ولصاحبه يشهد وينقذه بالضيق
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com