يقودك الرجل العظيم القيادي

هذا الوطن عز وكرامة وتمكين
الله يديمك شامخة يابلادي
مادام تأسيسك على الحق والدين
يحميك ربي من جميع الأعادي
حنا معك دايم على العسر واللين
على قيمنا والوفاء والمبادي
حنا على عهد قطعناه ماشين
بقلوب بيضا ما غشاها السوادي
ثباتنا.. روس القمم والظلاعين
نبقى على العلم الصحيح الوكادي
من دون حدك .. كل ابونا ملبين
بالمال والأرواح كل مفادي
هذا ولانا يالحبيبة من سنين
لين اصبح الحب العظيم اعتيادي
يالقائدة: دايم بثقلك تمارين
ويقودك الرجل العظيم القيادي
تطورين بكل لحظة وتبنين
مجدك لحالك بالمحيط السيادي
للسلم والإنجاز دايم تنادين
وللحق يبصر فيك.. تايه وغادي
فوق الثرياء والصدارة: تكونين
مابين دورك.. والحضور الريادي
ترفع لك البيضاء بكل الميادين
ودور برزتي فيه.. ماهو بعادي
سعود فيحان المطيري