مهما حصل نبقى حبايب وخلان وخليجنا واحد على العسر واللين

كتب بيت الأسبوع محرر الزاوية بمناسبة نجاح قمة العلا الخليجية وانطلاقة جديدة لمسيرة مجلس التعاون
والبيت يقول :
مهما حصل نبقى حبايب وخلان
وخليجنا واحد على العسر واللين
وكان صدى البيت من الشعراء كالتالي ونعتذر عن تسعة ردود لتأخرها
نحنُ خليج العز والعز بُرهان
يوجد لنا قاده علينا ميامين
من البَحَر لاحمر الى بحر عُمان
متكاتفين وللعداء سيف حدين
ست الدول مامونه ابجيش شُجعان
على حدود ابلادنا مستعدين
والظفر ما يطلع من اللحم يا اخوان
وصفّنا واحد ولا هو بصفين
محمد عبدالله الشهري - أبها
يا اهل الحسد يا مفرقه بين الاخوان
ياللي على تشتيت الامه حريصين
موتو قهر يا مطاوعة كل شيطان
من بعد ما الله لم شمل السلاطين
ما تطول الفرقا ولو كان ما كان
مادام حنا من بعضنا قريبين
اهل الخليج اخوان من طول الازمان
متكاتفين وللعدا مستعدين
سعود بن ثواب سليم المطيري
وحنا هل التوحيد وان قال علان
من عهد اول الى وقت هالحين
والمملكه ردت على كل ضنان
ارض العلا فيها من الرد والسين
ملوكنا الي لهم الفضل والشان
في عهد سلمان العروبه معلين
من فضل ربي ما نبي فضل منان
وكل الخليج اليوم صارو هنيين
حمد عبدالله الوايلي - حوطة سدير
بروح المحبه والأصل دايم اخوان
وخليج واحد هو خِيار الوفيين
وحسن النوايا لا توفر والايمان
نبقى بها طول الليالي قويين
ويا ربنا تحفظ لنا الرمز سلمان
وبالخليج إخوانه الطيبين
أرض الهدى للخير والعز عنوان
قاده وشعبٍ مِنْ جدودٍ قِديمين
وبكل المعاني يرتفع للوطن شان
ونرقى على كل المصاعب عزيزين
سعود عائش التميمي الحربي - جدة
حنا الخليج اخوان ايضا وجيران
مصيرنا واحد اول وهالحين
لو اختلفنا يوم نرجع كما كان
وسلمان قايدنا وحامي الحرمين
والحكم بشرع الله مع خمس الاركان
وسنة رسول الله وبالحق ماشين.
علي قعود العنزي