بين الجبال وبين حسن الطبيعة صورة جميلة واديٍ فيه الأمطار

بَرٍّ سقاه الغيث تِشتاقِه العين
وهضاب خضر وجو حولِه محبِّينه
سِج القدم يا هاوِي البَر هالحين
وتشوف فرقِه عَن حياة المدينه
هذي طَرَات البر مع جوِّه الزَّين
عَنه انْشِد اللي دايمٍ داهلينه
سعود عائش الحربي - جدة
منظر خيالي مايجي لك على البال
في شوفته تنسى الهموم الثقيله
يا مرحبا في شوفة السيل لو طال
جوٍّ جميلٍ ما ندور بديله
الناس مجتمعه لها اقفاي واقبال
ما همها لو المسافة طويله
ببلادنا اللي شوفها يعطي آمال
امن وامان .. والقياده جميله
خالد بن ناصر المخيمر - روضة سدير
بين الجبال وبين حسن الطبيعه
صوره جميله واديٍ فيه الأمطار
أمطار هلّت في رياضٍ وسيعه
تباشروا فيها عزيزين .. وأخيار
نورة الفاضل - بريدة
أرض .. وسما .. وأمطار حلوه جميله
في أجمل وطن في بلادنا زين الأوطان
تجمعوا ناسٍ وخل .. وخليله
على العزّ والطيب دايم لنا شان
سعد السالم - الطائف
نرحب بمشاركاتكم الشِّعرية،
وما تلتقطه عدساتكم
من الصور الهادفة والطريفة
على إيميل الخزامي:
rb-khozama@alriyadh.com
صورة العدد