وانا بحل اللغز مغرم وموجود اشواط كوره يابعبد الهقاوي

كان لغز خزامى الصحارى الأسبوع الماضي مشاركة للشاعر محمد بن عبدالرحمن أبو دحيم من البدائع والذي يقول:
هوين ياللي ترغبون الحجاوي
في كل دوله جالهم طور و حدود
اعمارهم متقاربة بالتساوي
النقص ما تنقص و مرات به زود
وكانت الرمعات الصحيحة:
يابو ادحيم اليوم للحل ناوي
حيثك رفيق ورابط الوصل مشدود
أشواط بالملعب وفيها النخاوي
تراه حله ما يبي حلف وشهود
علي الرشيد - رياض الخبراء
للغز حُب وكل حُبٍّ سِمَاوِي
والحل اشواط المباراة موكود
وحلي صحيح اكيد ما به هقاوي
يفوز منهو يبذل الجهد وجهود
سعود عائش الحربي - جدة
حيالله ابودحيم راع الحجاوي
تذكر بخير ووبين الاجواد مشهود
والحل دوك اياه ماني مراوي
شوطين لمبارة والوقت محدود
خالد المرشود - الرياض
هذا جواب اللغز واللغز راوي
وانا بحل اللغز مغرم وموجود
اشواط كوره يابعبد الهقاوي
قل صح والاشواط له حد وجدود
عيد فريح الفاران - حايل
يالله ياللي عالم بالنجاوي
ياواحد نرجيك ياخير معبود
وراع البدايع جاب زين الغطاوي
اشواط كوره والحكم عنده الزود
عيسى الشلاحي - الرياض
بعض المباريات مابه حلاوي
لاصار بالتوقيت به زود ممدود
اشواطها بالمنتصف والتساوي
لغز قريته واسرع الحل موجود
رجا عادي بن رمال - الرياض
لغز الأسبوع
هذه مشاركة للشاعر علي الرشيد من رياض الخبراء في لغز جديد:
ياويش رجال موقر ومعروف
جملة بناته قدر سبع وثلاثين
ينسب لوحدة من بناته وموصوف
وهو تمام لاخوته شوفة العين
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com