السنام ملونه في لون كامل في تبوك الخير فيها العزّ طايل

أرض الفلا صارت تزلج من أسباب
برد وصقيعٍ حل بارض الجزيره
ورحول كاسيها من الثلج جلباب
ومشي المطيّه فوق ثلوجٍ عسيره
جوعٍ وبرد وفوق هذا هواء هاب
بأرض خلا ما فيه مراح وحظيره
يالله يا منزل على عبدك كتاب
تلطف بمخلوقٍ نصاك وتجيره
سعود عبدالعزيز الهزاع - نعام
ما للطبيعة لا قست يا هرش غيرك
وبركتك تقل استراحات المُحارب
يا سيد الصحراء ما يوجد خشيرك
بالجلد والصبر في كل المشارب
ما احْدٍ لِقى عذروب بك طيلة مسيرك
ألَّا الجلد مِع حب عِطران الشوارب
سعود عائش الحربي - جدة
الجمل في مبركه والجو خايل
من سحابه نازل ثلجه تهامل
كاسي للأرض والبياض هايل
والسنام ملونه في لون كامل
في تبوك الخير فيها العزّ طايل
جوها كايف وفيها الكل آمل
كل شمال المملكه لاحد حايل
فيه برد يودع النشيط خامل
حمد عبدالله الوايلي - حوطة سدير
صوره وفيها للمحبين تذكار
يوم الثلج ينزل شمال السعوديه
الجو بارد والحراره تحت الاصفار
والثلج متراكم غطى ظهر المطيه
في كل عام لنا مع البرد مشوار
اذا مر ثلاث اشهور بعد الضحيه
يالله عسانا نفرح بشوف الامطار
وتروى البلاد اللي لها قابليه
خالد ناصر المخيمر - روضة سدير
هذا الجمل بارك في وسط الثلوجي
وسط الطبيعة وسط أرض الفلاتي
مبعد عن الديره ولابه بروجي
هذي فصولٍ تختلف في الحياتي
سطام المسردي - الرياض
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد