على قبر اخوي اروح وارجع بدون شعور

دموعي من اللي في ضميري تواسيني
تزايد العباير والوجع في الضمير يفور
من الصدمه يحسون فيني معاديني
فقدت العضيد اللي طلع في اول الطابور
اخوي البشوش النادر اللي مثل عيني
غسلته وكفنته وانا خاطري مكسور
وذقت الوداع الصعب في يوم الاثنيني
سكن في اللحد سيف شطير وطويل شبور
دفنته وانا دمي يضخ بشرايني
ياربي على قبره ما يطفى شعاع النور
وعلى قبره يصب المطر كل يوميني
تدانت عزومي غير بصبر وانا ماجور
عسى الله يجبر كسر قلبي ويرضيني
رحل خالد اللي بالوفاء والكرم مشهور
حزام الظهر وحزامي اللي مقويني
رحل خالد اللي كان سيف لنا مذخور
عليه اصفق ايساري على راحة ايميني
وجودي عليه وجد حالي وانا محرور
عليه اتوجد والخلل في جناحيني
عسى اللي تخيرها وهو حي ضمن الحور
تجي زوجةٍ له في جنان البساتيني
نصيحه ولا ندري من اللي عليه الدور
صلاتك صلاتك لا غدى الليل ثلثيني