للطيب باب وللردا ياولد باب

كان بيت الأسبوع الماضي من طرح الشاعر كتبه للصفحة الشاعر صالح محمد محارب البشري من الرياض ويقول في بيته الاجتماعي:
للطيب باب وللردا يا ولد باب
وكل حسب مبداه موجب وسالب
وكان صدى البيت ول أروع من الشعراء:
ابذل لدرب الجود من كل الأسباب
خلك مع اللي للمعدة يطالب
ترى السهلة جنب الأخلاق تنجاب
يصير راعيها قوي وغالب
والناس تنظر له على درب الإعجاب
للخير عنوان وللجود طالب
على الرشيد - رياض الخبراء
ليا انفتح باب الردا هد الأعصاب
عليك بالصده ترا ما انت غالب
لاتعكس التيار وتشيل الأطناب
مافيه داعي يا المهاوز تطالب
ترا الحسد يموت راعية ما تاب
للشر محور جد للظلم جالب
صالح المزيني
تلْقى مِنِ الطّيِّب مكارم وتِرْحاب
فعله جميلٍ ما قَرَبْ فِعْلِ عايب
ماحطّ لَمْوَاله صناديق وِحْساب
مفتوح بابه ما على الباب حاجب
ما نمّقِ عْلُومه بتصويرِ وسْناب
لكِنّ ذكره مثْلمَا نجْمِ ثاقب
ناصر جمعان آل عوض - وادي الدواسر
راعي الوفاء معروف يحسب له حساب
له كلمة بالطيب ونال المكاسب
وراعي الردا منبوذ ما بين الأحباب
درب مشاه اليوم نقول خايب
وكم من صديق يبعث الهم لاغاب
حيثه حبيب عندنا كالحبايب
محمد بن عبدالعزيز الخنيفر - أشيقر
اللي يحوز الطيب ياعنك ماخاب
ومن قدم المعروف للناس غالب
كم ابلج تنصاه ما دونه حجاب
يقول ويفعل حازم الراى صالب
اللي يقدم السبت من خاطر طاب
يلقى لاحد قدام للخير جالب
خليف فهيد الحربي - الرياض
بعض العرب ماهمني حتى لو غاب
والبعض في لقراب حط المخالب
ذهاب ع النوعين من غير إيّاب
حتى تسلم هامتك م المقالب
وابحث عن اللي للكرامات طلاب
ون صكت البيبان تلقاه غالب
محمد عبدالله علي الشهري - رجال المع عسير
بيت الأسبوع
للشاعر خالد البقمي من قصيدة غزلية ويقول:
مادامها زهره وبالقلب عصفور
وش يمنع الطير الخضر عن شذاها
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:
rb-khozama@alriyadh.com