الليالي السود

لهروج اهروج لكن يفرق الرجل الفعايل
والليال السود تكشف من قروم ومن هلايم
والعلوم الغانمه يسعى لها ولد الحمايل
والنعم مايكسبه ياكود من حاز الغنايم
ماكسبه اللي رقد بالليل لاعزالقوايل
وينه وين المراجل عايش ٍ عيشت بهايم
الردي ما يحسب الاضمن تعداد العوايل
نعنبو ذيك اللحى ماهيب كفو ٍ للعزايم
سودالله وجه خبل ٍ مانفع فيه الجمايل
لوتنقز له عيونك بالقفى سب وشتايم
السفيه اللي يطرّد للحكي قالوا وقايل
والحكاوي ماطردها كود عذبات النسايم
من يبي القمه يكافح يرتكي لحمل الثقايل
والمراجل ماوصلها واحدن طايح ونايم