الشعر صورة والإطار القوافي ما هو بحسْن الوزن والروح معلول

كتب بيت الأسبوع للصفحة الشاعر زياد المنيفي حول موضوع الشعر، إن المحتوى هو الأهم وليس النظم الخالي من الصور والإبداع، ويقول البيت:
الشعر صورة والإطار القوافي
ما هو بحسْن الوزن والروح معلول
فيه المعاني وافيات نظافي
مترابطه جزله لها القول موصول
شعر جزيل معرب ثم وافي
ومن راس يقدح كنه البن مزلول
ذكره يطول معمر ما يعافي
وعكسه يجيك معكر دوم مسلول
يموت ذكره في دقيقه وكافي
هذي مواهب ماتبي قول وحلول
حمد عبدالله الوايلي - حوطة سدير
ياما حلاة الشعر لاصار وافي
من شاعر نظمه مرتب ومعقول
ويروق نظم الشعر والجو صافي
وحولك ربوعك لاحصل باحسن القول
ويازين شعر بالوزن صار ضافي
بنظم يسر القلب وللكل مقبول
وبعض الشعر غطو بيوته خوافي
فحول من الشعار تلقى له حلول
محمد بن عبدالعزيز الخنيفر - أشيقر
الشعر سبك وحبك والقول ضافي
ماهو كلام يعاد والوسط مشلول
لكن تبلوه الخبول الضعافي
اللي معارفهم بنوعية الفول
صالح بن إبراهيم المرشود - الرياض
الشعر ماينفع معاه استلافي
لاصار ماهو من هوى الراس مفتول
احد قصيده خطرفه يالسنافي
واحدن يجيب الشعر معنى ومفتول
مبارك النجيفان - الرياض
ما يختفي شي عيان يشافي
ياكثر ما نسمع من القول مملول
واحرص على المعنى بزين الوصافي
ماينبلع شعر مخلخل ومشلول
ولايجيب القول غير السنافي
اللي كلامه فيه حكمة ومدلول
علي الرشيد - رياض الخبراء
نظم الشعر مطلوب لاجاك لافي
بقول ن حسين ن يعجبه غير مجهول
وانظم بيوت طيبه يالسنافي
تبقى لها الذكرى دوامن على الطول
حط البيوت الطيبه والنظافي
ولا من بنيت القاف لاتصير مشغول
اشعار نقراها بنظم خرافي
فعل النشاما اهل الوفاء باحسن القول
ريان بن محمد الخنيفر - أشيقر
بيت الأسبوع
كتبه للصفحة صالح محمد البشري من الرياض ويقول:
الناس بالمعروف تحتاج للناس
في مالها في جاهها في جهدها
نستقبل صدى هذا البيت بثلاثة أبيات تدور حول هذا الموضوع، وخلال أربعة أيام من نشر البيت على الإيميل:
rb-khozama@alriyadh.com