حنا سعوديين بالله عزيزين

يا مالك الدنيا ومالك الدين
سامع دبيب النمل بالخرمسيه
انك تمشينا على الحق والدين
على رضا المولى وسنة نبيه
يالقايد الاعلى لأمركم ملبين
الشعب يهدي لك جزيل التحيه
ياسيدي خادم بيوت الحرمين
لك همةِّ عليا ورايه قويه
شعبك عن الواجب مهمب متوانين
دون الوطن يردون حوض المنيه
بأمر الملك تمشي بكل الميادين
امر الملوك اهل الكرم والحميه
ال سعود اللي على الحق ماشين
سأس العدالة من على الأوليه
اللي لهم ترجع جميع الموازين
بالطيب والمعروف والمعنويه
لامن دعونا للطب مستعدين
وارواحنا فيما يبونه ضحيه
لأمر ولي العهد جينا سريعين
محمد اللي له فعول طريه
حراً ولد حراً يضد المعادين
لاغبرت الاجواء من المدفعيه
سجل له التاريخ كم من عناوين
في كل دولةً صاحبة واجنبية
قضى على حزب الردى والخبيثين
محنكً وسياستة عبقريه
حنا سعودييين بالله عزيزين
مهيب تنوينا العلوم الرديه
تمديد العون للمتضررين
نعطي ولا نبغي من احدٍ عطية
ولا نخون الجار والناس ممسين
ولا نخطط للنفوس البريه
حنا على العهد السعودي مرسين
ومجهزين للمعادي هدية
هدية لخالفين القوانين.
اللي يجازون الحساني بسيه
قوات ورجال نخوض الميادين
كم من عدوً ردته عن نويه
سيف محماس المشعبي
Your browser does not support the video tag.