أعراضنا ما تنشرى بالملايين

الشيخ عبدالرحمن بن ماجد الذويبي في هذا النص المحمل بالحكمة والولاء.. يرحل بنا بين الشعر والتجربة:
يا شعب لا تسمع كلام المساكين
أهل العقول الضايعه والمهونه
حنا لنا بيعه منول وهالحين
معاهدين وعهدنا ما نخونه
وحنا حكومتنا على العز والدين
حكم على هدى النبي يتبعونه
ياهل العقول الراجحه بالموازين
ما كل من طق الطبل تسمعونه
حنا بلدنا قبلةٍ للمصلين
أهل العقول الزايفه ما يجونه
حنا قبائل في سلوم وقوانين
وحكامنا منا وعهدٍ نصونه
وأعراضنا ما تنشرى بالملايين
يعبث بها نذلٍ تسوقه جنونه
وليا حصل شيء بوسط الميادين
حنا جنود الدار حنا حصونه
دون الوطن نفني عمار المعادين
هذا الكلام وفعلنا تعرفونه
يا شلة تدعى باسم شلة حنين
ما انتم كفو للمصطفى تشبهونه
رسولنا وصى بحب السلاطين
ما هو مثل ما أنتم لنا تدعونه
هذا وحنا يا الملك لك ملبين
بامرك نرد اللي تزايد شطونه
وربعي قبيلة حرب بالعهد باقين
عهد عليهم والوطن يحتمونه
بعناقهم بيعه لها عدة سنين
ومن مات خائن للوطن ينكرونه
وصلاة ربي عد وبل الودادين
على نبي الدين ثبت ركونه
الشيخ عبدالرحمن بن ماجد الذويبي