يوم الوطن سطر لنا مجد الابطال بطولة اللي ينتمي للشجاعه عبدالعزيز موحد الدار برجال شجعان ضد الخوف معهم مناعه على مهار موحد الدار وجمال من ليل يسري لين يبدي شعاعه بسيوف هندٍ تجعل الراس ينشال الضد ما يجزم على الوقت ساعه دولة هل التوحيد فالسلم عقال وقت الحروب الكل يرفع ذراعه سعود عبدالعزيز الهزاع - نعام حب الوطن يمشي بجوف الشرايين لحمة وطن والشعب راضي وفرحان مع راية التوحيد حنّا سعيدين مع القيادة صادقة كل الأوطان الله يديم الأمن .. ويثبت الدين ويحقق الآمال في عهد سلمان علي رشيد الرشيد - رياض الخبراء يالله يا محيي العروق الهشيمه عساه في الجنه بين عثمان وبلال مؤسس كيان المملكه فوق ريمه السيف في يمناه وستين رجال حكم بشرع الله وزال الظليمه ورفع علمها تعرفه كل الاجيال شجعان سعود المقاطي - الرياض وحدة تلاحم يا عرب ترفع الراس وعلم نحبه دوم .. ونحب سلمان ولي عهده دايم الدوم نبراس هندس وطبق رويته فن واتقان روية مستقبل تنفع الناس للناس والعهد زاهر يا عرب خير برهان شعب تلاحم ثابتٍ دوم شجعان عايش بخير وفخر في عزّ وأمان خليف فهيد الحربي - الرياض بلادي لك منّي تحيّه .. وتقدير رمز الفخر والخير فيها يزيودي ياما رعتني وأنا توني صغير وياما رعيتني بعد شدّة عضودي شِعارها سيفين ونخله عن الغير هذا العلم رفرف ويكفي سعودي خالد ناصر المخيمر - روضة سدير الصف واحد والتكاتف شعاره والراية الخضراء سلام وتحيّه يا دار في يومك نسوق البشاره دونك نزف الموت نشري المنيّه واصل الوطن نجمٍ بعيدٍ مداره في مجد سلمان العروبه وفيّه نبني صروح العزّ نرفع جداره ولاجيت ابو سلمان والنّار حيّه عهد التطوّر والحضاره حضاره هذي بلادي عندي أكبر وصيّه حمد عبدالله الوايلي - حوطة سدير علم المملكة لنا مكانه وهيبه في حزم سلمان نخلة وسيفين له الولاء منا شبابٍ وشيبه اليد وحده مع خادم البيتين واللي يخون شرع ربي حسيبه خسران بالدنيا وخسران بالدِّين صالح محمد البشري هذا علمنا له مكانه كبيره أنا أشهد إنه غاليٍ فوق الأعلام ياما يذكرنا بصقر الجزيره اللي سعى للعزّ في نصر الإسلام له وقفةٍ بالطيب وعزّ الشعيره ياما بنا الامجاد .. تحقيق الأحلام وفي عهد ابو فهد اغلى مسيره خلفه ولي العهد شهمٍ .. ومقدام محمد عبدالعزيز الخنيفر - أشيقر ثلاث بالصورة هي أغلى المضامين راية وطن .. وموحّده .. والتلاحم عبدالعزيز اللي يقود الميامين سطّر بتوحيده عظيم الملاحم وقاداتنا بعد على النهج ماشين وحنّا وراهم .. بالوفا .. والتلاحم حياتنا قامت على نصرة الدِّين وحُبّ الوطن والمرجله والتّراحم سعود عائش الحربي - جدة شعار الوطن عزّاً وفخراً وأنوار ذكرى الشجاعٍ ودايمٍ مضرب أمثال واليوم شوفوا العزّ .. والأمن بالدار بجهد الحكيم اللي على النصر يجتال ومعه رجاله .. وانتهى كل غدار عسى مقرّه جنّة الخلد منزال ريان محمد الخنيفر يا موطني افديك بالروح .. والدم يا قبلة الإسلام .. يا نور الأوطان مصدر فخر والخير يا ناس قد عم من عهد ابو تركي إلى عهد سلمان بشائر القحطاني - الرياض Your browser does not support the video tag.
