طبائع البشر

التواضع خصلةً للكرام المخلصين
والجفا والكبر دايم من أطباع الردي
الوفاء بين البشر من سمات الاكرمين
والخيانة والغدر لا تجيها يابّعدي
والشهامة خصلةً من خصال الطيبين
والنذالة في نفوس العدو المحتدي
النزاهة والشرف من مبادي الافضلين
اللي في درب المعزة مشت لو جرهدي
اللقافة والكذب تجتمع ف الارذلين
والنقاوة شيمةً من طباع الاجودي
الغنى في عزة النفس والعقل الرزين
والكريم اللي لربعه بماله يفتدي
لا تخاوي من بحث عن عيوب الآخرين
والحذر من رفقة اللي يسب ويعتدي
الرفاقة مكسبٍ قدرها غالي ثمين
والحظيظ اللي كسب له خوي ومسندي
لاتغلبك طيبتك للردي خلك فطين
والفراسة والذكاء ف المواقف تسعدي
خّل صدرك رحب للصاحب وقلبك عوين
جود غيثٍ ينهمر والسحايب ترعدي
والبشر استر لها عرضها عمّا يشين
وخّل قدرك فوق نجم الثريا والجدي
والعزيز يشوم عن خوة النجس الضغين
ب المصافح عن يده .. حاشمٍ مدة يدي
والرفيق بوقفته حاضر بشده ولين
ب الطناخه والنعاره معك متفردي
صاحب اللي خوته مكسبٍ دنيا ودين
رفقته نوماس ترقى بعز وتصعدي
الكفو زين الفعل لو زمانه ما يزين
ب العلوم الطيبة والفعايل يقتدي
ذي طبايع ف البشر وأختصر في كلمتين
البشر في فعلها والمواقف تشهدي
عبدالعزيز آل باكر
Your browser does not support the video tag.