اللغز

كان لغز الأسبوع الماضي للشاعر متعب التريباني من الرياض والذي يقول:
عود عزيز وبالجزيرة قديمي
كل تحرا له وكيفك معه زان
خص إلا رافقه رجل كريمي
بأسبابهم يظهر اثنين لهم شان
ومع شكرنا لمتابعي هذه الزاوية العريقة، والتي لم تستمر إلا بمجهوداتهم ومشاركاتهم على مدى ربع قرن وقد توصل للحل هذا الأسبوع من أصل قرابة التسعين حلاً:
سلام يا متعب من أرض القصيمي
واهني الصفحة بلغز لنا بان
الوسم حله جعل غيثه مديمي
والعشب ينبت والزبيدي بالأوطان
علي رشيد الرشيد - رياض الخبراء
هذاالوسم ولله ربي كريمي
الله هو الى عالم سر الانسان
ينشي من القبله نو وغيمي
حنا لاجنا المطر جونا زان
سعد صنهات السهلي - الدرعية
الوسم حل اللغز والله كريمي
ينزل علينا الخير و تسيل وديان
تحيا به الاشجار عقب الهشيمي
ياماحلى جني الزبيدي إليابان
محمد بن عبدالرحمن أبو دحيم - البدائع
يا الله بسيلٍ مدلهمٍ عميمي
وسط الوسم ترى له الكل شفقان
نشوف النفل والفقع وكل النعيمي
ويعم الرخا في مملكتنا والأوطان
أحمد بن ناصر المحرج - الرياض
يا مرحبا واللغز مثل النديمي
نوماس للخاطر يسلّيه لا شان
والحل وسماً فيه سيل ونسيمي
فيه الحيا والفقع اشكال والوان
مقرن بن متعب الهرف - الرياض
اللغز واضح في عيون الفهيمي
تنشي خياله و المطاليع تزدان
الوسم حل اللغز حلٍ سليمي
يالله بغيثٍ صيّبٍ كل الاحيان
بدر متعب العبدالله - الرياض
شفنا سهيل وزان وقت النسيمي
واجمع اغراض البر ترا الوسم حان
ولغزك يحله كل رجل فهيمي
الوسم حله والزم الحل يافلان
عبدالكريم ناصر العبيداء - حائل
الوسم جاك وفات وقت الصريمي
يالله بغيث يعم في كل الاوطان
الجو زان وذعذع احلى النسيمي
ابخير وبنعمة في حكم سلمان
صالح محمد البشري - الرياض
وحله نثراً من أصل 15 حلاً:
خلف بن عايد السّحوم - بريدة
لغز الأسبوع
طرحه للقراء الشاعر أحمد بن ناصر المحرج من الرياض ويقول:
شاهدت شي(ن)يختلف والشكل غير
غريب شكله ادخلو به علاجي
مارافق الأموات فيرجى له الخير
ولا سجين(ن) يأمل الانفراجي
مرت سنين وما حصل فيه تغيير
سره معاه ولا يحرك حجاجي
نستقبل الحلول على البريد الإلكتروني
rb-khozama@alriyadh.com
وذلك خلال أربعة أيام من نشر اللغز.