فخر العروبة

يا خادم البيتين ياعز الاسلام
يا سيدي سلمان فخر العروبه
انت الذي للشعب وافي ومقدام
نظرتك عند الشعب دوم محسوبه
حققت كل الخير وامال واحلام
والامن والامان ضاف ٍبثوبه
على البلاد وشعبنا مابه اقسام
الصف واحد والولا له وجوبه
انته عريب جدود ياذخر الإمام
ناصر كتاب الله واللي قروبه
واليوم الك وقفات وللحق مقدام
ترفع لها الاعلام وايضا محبوبه
خمسين دوله وقعت لك بالابهام
تمشي على رايك وهبت هبوبه
حرب ٍعلى الارهاب خلاه ماقام
الداعشي وايران ضيع دروبه
يابو فهد سيرتك وافعالك عظام
أعظم مقام وعزفيك وصفوبه
الراي واهل الفكر بسياج الاقلام
اسمك بحرف ٍ من ذهب نعتوبه
سيرتك فيها درس لاجيال حكام
منها وفيها يكسبون المثوبه
يالله عساك بخير في كل الاعوام
الشعب يدعيلك صباح وغروبه
وايضا ولي عهدك حكيم ٍوضرغام
شبلك محمد ليث زانت ادروبه
شبل ٍعلى الطلات حازم وعزام
سود العمايم فوقهم بالشبوبه
اوقد عليهم صالي النار وسهام
حمر الوقايد كل فج ٍ تلوبه
عن واجبه مهوب غايب ولا نام
راع المكارم والفخر والعذوبه
واختامها دام السعودي وابه دام
حكم الشريعه دايم ٍواحكموبه
مشعل صنت العصيمي