ذكرى سعيده للوطن

يالله ياللي تعلم الكون واعظم
يالله بنصر اللي على الحد يحموه
نسألك يالمعبود ياكاشف الهم
تنصر جنود للندا يوم لبوه
الشاعر اللي دون حده تكلم
محدن يلومه ياعرب مير خلوه
دون الوطن نقدم على الموت ماهم
ياما وياما السيف للحرب سلوه
لأجل الوطن اجسادنا تنثر الدم
نصر اوشهاده والوطن خط شوفوه
ابلادي اللي ترفع الراس تسلم
فيها الحرم والبيت من جاه ينصوه
اعيادنا عيدين والثالث انظم
ذكرى سعيده للوطن يوم ذاعوه
عبد العزيز موحد الدار وانعم
عقب رجالٍ للوطن بس شوفوه
الحاكم اللي يرفع الراس يسلم
حى الاسامي سيدي يوم سموه
بقيادة اللي قادها بليلٍ اظلم
اعطى الاوامر سيدي ثم حيوه
اعطى الاشاره بوقته قيله سم
ثم اقلعن لاهدافهن لين دكوه
مثل الرعد اصواتهن يوم يرزم
وانطر سماهالين بالحيل هدوه
ولي عهده اللي على الامن مهتم
حرٍ شلع من ماكره يوم هدوه
وولي ولي العهد ياعنك ملهم
شبيه جده والشبه فيه يكسوه
الحوثي اللي نصفعه لين يسلم
إما عبر وإلا مع العنق ذكوه
الخاين اللي خان جاره بعد تم
ترقيع وجهه ناسيا يوم داووه
الله على بحر امواجه تلاطم
يغرق به الحوثي ومن ثم ينسوه
بعزم وحزم ضد الارهاب نهتم
واللي تسلل حدنا قيل هاتوه
من طبعنا ياناس مانحب نظلم
ايضا ولا نرضى على الناس عاشوه
يا امة الاسلام هاذي شراذم
كلاب تنابح خوف والخوف ذاقوه
طهران والحوثي والاعوان ماهم
هم زمرة الارهاب والعلم يلقوه