موسم الحج انتهى بفضل خلاق الوجود ثم بفضل الدولة اللي اعتلى سلطانها

موسم الحج انتهى نسأل الله الودود
يغفر لأمة محمد ويعلي شانها
موسم الحج انتهى ورجعت كل الوفود
عقب ما ادت فرضها ورجمت شيطانها
موسم الحج انتهى بفضل خلاق الوجود
ثم بفضل الدولة اللي اعتلى سلطانها
وكل منصف قال يومه تأمل بالجهود
من مثل هالدوله ابجودها واحسانها
دولة تستقبل ضيوفها بمسك وعود
دولة بين الدول راجح ميزانها
جهدها ماينكره غير مأفون حقود
وحاقد يركض ورى الفتنه وفتانها
دولة نجاحها منه يغتاض الحسود
والصدور الحاقده تشتعل نيرانها
دولة نفخر بها ونفتخر بابن سعود
الزعيم اللي انتخى واحتمى جيرانها
دولة يقودها اللي به الخير امعقود
دوله يقودها للقمم سلما نها
دولة مهيوبة للعلا ترقى سنود
دام سلمان الحزم والوفا ربا نها
المليك اللي بجوده ومعروفه يسود
وهيبته منها خصومه تروغ اذهانها
المليك اللي لدولته في عطفه يجود
المليك اللي بحزمه كعم عدوانها
كفّ فيها يضرب النذل والخصم اللدود
وكفه الأخرى البشر تنعم بهتانها
ونايبيه جهودهم مالها والله حدود
والنجا حات الكبيره شهد ميدانها
وشكرنا لكل اللجان العظيمه و الجنود
و المهمه انتهت وابدعوا با تقانها
وكلنا على التميز لهم صرنا شهود
ومملكتنا تفتخر في عمل شجعانها
وكلنا يالمملكه عنك بانفسنا نذود
لاعتلت نار الحرايب على دخانها
عندنا صدق الولا وعندنا صدق العهود
وعندنا رجال فدت بالنفوس اوطانها
علموا (ايران ) وايران خدام اليهود
الوطن دونه رجال طوال ايمانها
ولو حكى التاريخ جاوب بلا نقص وزود
ومعركة ( ذي قار) كلن عرف عنوانها
يوم (كسرى)للمنايا جعل قومه وقود
وانهزم ثم مات حسره على حقرانها
ثم بارض( القادسيه ) لو الموعد يعود
يوم ( رستم ) مات من جلجلة فرسانها
وكان (خامنئي) يبي يصير في وسط اللحود
يقترب لحدودنا او يمر وزانها
عطاالله بن سليمان العطاالله - الزلفي