عاد عيدك يا ملكنا

الولاء لأهل الولاء محتوم والبيعة قديمة
ورث جد آبائنا واليوم ينطقها حفيدة
حكم حكام الجزيرة ياعسى ربي يديمة
قالها اللي حبهم بالدم يجري مع وريده
حكم عدل وحكم خير وحكم دين وحكم شيمه
بالكتاب وسنة الهادي وتوحيد العقيدة
قالها اللي من صميم القلب من أقصى صميمه
يعتبرها فرصة له يا حكومتنا الرشيدة
الملك عبدالله اللي كل كلماته حكيمة
ياعسى عمره طويل ويا عسى أيامه سعيدة
كم سجين أطلق سراحه وكم جبر عظم كصيمه
وصدر أمره في قبول التوم واعلن بالجريده
وقال أنا تقبيل كفي يعتبر عادة ذميمه
وأقسم وقال الجلاله ما تجوز اسم لعبيده
والرواتب زاد فيها في مراسيم هميمه
وشوون شيبان كبيرة سن زود في رصيده
وده إن الشعب دايم ما يشوفون الهضيمه
وده إن الشعب كله نال مقصود يريده
وش اعدد وش اخلي من مشاريع عظيمه
كل شعبه باركوله بالمراسيم الجديدة
عاد عيدك ياملكنا في وقار وفي حشيمة
عاد عيدك عاد عيدك عدة أعوام عديدة
والولي اللي تولى العهد في عزم وشكيمه
نعم منهو له عضيد الليث نظراته بعيده
راح أبو خالد زيارة في مهمات جسيمه
وعادو البسمه على محياه والعودة حميده
كم مريض وكم فقير وكم يتيم وكم يتيمه
وكم عجوز يدخل التأهيل من أية بديدة
والمعاق اهتم في وضعه وزال اللي يضيمه
كم عطاهم وأنفق الأموال مافيها جحيده
عاد عليك يا الكريم وصاحب الكف الكريمة
عاد عيدك عاد عيدك عدة أعوام مديدة
أسرة ربي جعلها خير وقلوب رحيمه
سجلوا صفحات بيضاء في سجلات مجيده
وعاد عيد الشعب كله والوفود المستقيمه
نطلب الله نطلب الله كل عام إنه يعيده
نطلب الله يخذل أهل الشر وأرباب الجريمه
نطلب الله ينصر الإسلام والخاين يبيده
من بحرها لابحرها من ظبأ لشرقي رحيمه
نحمد الله دارنا في أمن والعيشه رغيده
قالها من قلب مخلص ما بها سب وشتيمه
ما يبي مثقال ذرة غير تقديم القصيدة