درب الوصل

متى ما حن لي قلبك ترى درب الوصل مفتوح
ومتى ما صد عنك الغير عبدالله هو الباقي
نصيتك والهدف واضح نصيتك والخفوق جروح
هني العين هذا أنت وجفني بالسهر شاقي
غلاك بداخل أعماقي شيد له قصر وصروح
وأنا لساعدته بطيبي قلي وش بعد باقي
ملكت القلب يالغالي وأنادي بصوتي المبحوح
وأشوفك يا عديم الحس نويت تلخبط أوراقي
آخر شخص أتوقع إنه يبتعد ويروح
رفيقي يوم أنا واقف يبعد في كسر ساقي
ومع كسري توالتني غرابيلي وزود النوح
وطيفك ما رحم عيني يجي للنوم سراقي
بنورك يا بدر ماشي ولاكن للبشر ما بوح
الين الشمس ما تشرق من المغرب بإشراقي
كنك يا بعد عيني في حربك علي منصوح
تراني رغم ما قاسيت أهدي لحظرك اشواقي