كلٍ بكاه بدمع عينٍ حزينه

الموت حق ولا لنا عنه مدرات
مهما حصل إلهنا حامدينه
يالله يا منشي السحاب الثقيلات
منا الرضا بحكمك لنا قابلينه
تغفر لمن فقده مرارة وحسرات
وترجح موازينه وكتابه بيمينه
ترحم مليك لجله تهل عبرات
كلٍ بكاه بدمع عينٍ حزينه
يا كثر ما قدم وسيع الجمالات
ويا كثر ما أعطت لشعبه يدينه
عطاه ازهر بالرياض المحيلات
والمجد يريضان الوفاء زارعينه
بقلوبنا حي بقى دوم ما مات
معزته بقلوبنا شايلينه
ومبروك لمنهو أهل للزعامات
سلمان وانك يا آلهي تعينه
نبايعه سلمان راعي الفضيلات
قاسي بالشدة وديدنه لينه
سلمان ساس المجد عالي المقامات
هيبه وحكمة وجاه تقرأ بجبينه
خيار الملوك حكمه العدل والمساوات
سيرة هله ملوك لنا سابقينه
قائد محنك من عظيم الرجالات
على الوفا ومنا الولاء طايعينه
ومقرن ولي العهد له جل وقفات
عضد لاخوه ومسند له عوينه
الجود طبعه والعلوم الرفيعات
وطيب مزروع بسيرة سنينه
ومحمد بن نايف زعيم المهمات
المملكة بأمان بيد امينه
ضد العداء ومن فيه شر ومضرات
حما الوطن شر النفوس اللعينه
صلوا على المختار كثير الصلوات
محمد الهادي للاسلام دينه
علي السعدي - حائل