ميسم الجرح

بردت أطرافي وحنيت لأوجاعي
واستثرت الجرح وادما معاذيري
قل صبري لين خانتني اطماعي
وطال دربي لين كثرت مخاسيري
هد صدري من تناهيده اضلاعي
واستباح بميسم الجرح تفكيري
من يقول الوقت ما شقلب اوضاعي
الا شقلبها وبدلني بغيري
كان همي ويش اسوي بمطلاعي
صار همي وش وراها محاديري
في ضميري علم اعده شراعي
يوم هبت ريح شري على خيري
بين مجدافي وحلمي ومرباعي
ما حسبت حساب حدبي ولاطيري
ما بقى في خاطري سر ما انذاعي
كل حلم ماصحيته بتدبيري
ما يصافحني مساي وتمتاعي
لين تشعل نار وجدي وتحريري
جيت متهادي ورا جفني الواعي
لا جلا حزني ولا زل تعبيري
استمعت لصوت يذوب اسماعي
يجمع اهاتي ويجتاح تبريري
شب فيني ضوء وادفيت ملتاعي
احترق فيها وجودي وتقصيري
لمني مثل التعب باول ابداعي
وحطني مثل البخت في تباشيري