يا راجل.. فضيحة بجلاجل

جلسة المركاز اليوم كلها على الماضي، جاء الأهلاوي مكتم فعلق الاتحادي اشبك يا أبو الصحب الهزيمة في الملعب وانتهينا بس الي قاهرني كلام المدرب الكوري يقول إنها تمرين مباشر ولا شعربتها أنها نهائي ومن قبل المباراة ترى زودها ويا ريتها ادارة الاهلي سمعت اللاعبين كلامه كانوا صححوا في الملعب وردوا عليه، فعلق الاهلاوي فقال شكلوه كلامه عاجبك علشان ضحك عليك بكلمتين وقال أني فرحت أن الاتحاد خرج ومن حسن حظي وترى اولسان الي شفتوه يطقطك زيك زي الأهلي، ويرد الاتحادي رجعنا لكلمة زي أفكرك بكلمة تيتي تيتي زي ما روحتي زي ما جيتي الي كنت تقولي هيا ها يا أبو الصحب شفت الي صرلك، ويرد الاهلاوي من فينلكم فلوس راحين تجيبوا الفريدي 32 مليون وادارتكم قاعدة تشحت من الجماهير بعيد حبيبي ترى لا اشوفك عند راعي الشاورما ناديكم أولى بالخمسة الريال زي ما قال رئيسكم وفكونا من الزحمة ويرد الاتحادي شكلك زعلان على صفقة الفريدي يا حبيبي الصيت ولا الغنى، ويعلق عليه لا وأنت الصادق فقير واخلاقه تجارية وفي النهاية كلها مديونية وعلى ظهر الاتحاد، ويتدخل العمدة ويقول اتركونا من الاتحاد والاهلي ومن النصر والهلال وشفولي فضيحة ميسي يا راجل دي فضيحة بجلاجل زحمة ولمه وفوضى والي له داعي والي ما له داعي وكأننا ما شفنا نجم، ورد الاثنين لا يا عمده هذا ميسي والنجم مكان ما يروح تصير البهرجه بس العتب على التنظيم شغلة خدني جيتك.
وبعدين إدارتنا جيها عقد رعاية ، والدليل ان غدارتنا اجتمعت مع اللاعبين وقالت لهم شدوا حيلكم ، احنا ما نبى بطولات ، بس علشان عقد الرعاية .
«فرفوش»