اتحادي: رددناكم لأيام الصبان.. الأهلاوي: لكم المكان ولنا الزمان

النسبة الآسيوية صارت حكاية جداوية

لم تخلُ المجالس طوال الأيام الماضية من الأحاديث الرياضية، وما يختص بالقمة الآسيوية المرتقبة بين قطبين من أقطاب الكرة السعودية، وفي مجلس جداوي دار حديث بالبلدي بين اتحادي وأهلاوي، فقال الأهلاوي لصديقه الاتحادي عملتوا فيها أبطالاً، وجات قصة التذاكر على رأسكم شغلتكم وتعبتكم وضربتكم في بعض ونسيتوا الفريق واشغلتوه! فقال الاتحادي احنا كدا نادي الشعب، وسط المشاكل نلعب أحلى كورة، أمّا التذاكر وحضوركم القليل اللي منرفزك ترى مو جديد احنا رددناكم لايام الصبان، يوم كنتوا محصورين في ركن صغير على قدكم، والله وصرتوا كبار واليوم يا صاحبي سيرجع الكتان زي ما كان، فتدخل الاهلاوي: تقول إيه صبان ياحبيبي ديك الايام كنا نفوز عليكم رايح جاي، ونسيناكم الفوز، وطالما الملعب للاتي مليان فالأهلي غلبان، يعلق الاتحادي صلحها صح الأهلي مغلوب وحنحرق القلوب، وترى النتيجة ما هي عادية، وحنغلقها من الذهاب.. والإياب فسحة ونزهة واحتفالية، ولمّا أقول صبان تفهمها كويس، يعني قصدي الثمانيات والسبعات.. فرد الاهلاوي: واحنا كمان قهرناكم بالخمسة، وفي الملز اعطيناكم الز درس كأس 99ه (4-0)، ما تنسوها شفتوا نفسكم زي اليوم، وصيحتوا على الأربعة وخلينا نشوف والميدان يا حميدان، واليوم لكم المكان واحنا ابطال هدا الزمان.. وبعد هذا الحوار كملت الجلسة بالقفشات والروح الرياضية.
«فرفوش»