عااااامر ..

تضيق بي نفسي وتحزن وتألم
وتموت من طعنات همي وأنا حي
أسقيتها كأسٍ من الصبر علقم
وأسقتني حزوني يحاميم يا بي
وش حيلتي لا صرت مذبوح بالهم
أرقب فرج ضيقه لها عام وشوي
ضاقت وضاقت لين ودعت لي عم
فجيعة معها الفجااايع ولا شي
منها تقول الكون يا بوي أظلم
من عقب موته لا بشااير ولا ضي
عامر وعامر « أمةٍ « ما لها كم
ولا كيف لا حتى على الارض له زي
عامر وعامر كل من جااه يسلم
في جود نفسه في كرم حاتم الطي
في فزعته لا قال ف المعضلة تم
راحت وكن المعضلة ما هي ب هي
ملاذ خااايف مزبن لكل معدم
لا اشتد حرّ الضايقه عامر الفي
مثل الجبال الشم لا والله أشم
في وقفته تلقاااه ياخذ ويعطي
ياخذ هموم النااس فيهم ومنهم
ويعطي قلوبٍ من عنا همومها خلي
في كل نفسٍ له شواهد ومغنم
دعااء خير ومدح بالطيب مخبي
يبكي عليه الصدق والطيب من يم
ومن يم يبكيه الكرم والوفا الري
ويبكي عليه الحلم والعلم من ثم
يبكي عليه المجد والموقف العي
وتبكي عليه اديار كانت تعااازم
على خطى رجليه لا قااام يمشي
ويبكيه متعفف من الناس مغرم
وتبكيه ثكلاً كان عامر لها خي
ويبكيه شايب كل ما صابه الغم
يلقى من فعول «الوفي» مايسلي
يشفق على طفلٍ فقد «أب أو أم»
أشفق من الظامي على بارد المي
يعطي عطى من لا يهاب الفقر لم
يبخل ولوفي سكرة الموت مغشي
عامر وموته «صدع» ما هوب يردم
عامر وموته «جرح» ماهوب مبري
عامر وموته «حزن» والله أعلم
ما يشبهه حزنٍ ولا يغسله حي
مواقفه ياا بوي لو أن لها فم
جاتك مع جموع المشااايخ تعزي
الله يغفر لك ويرحمك ياا «عم»
ويسكنك جناته الخلد مرضي
مدري أعزي كل من صابه الهم
والا أعزي موت نفسي وأنا حي