الشمري يناشد “يام” بقصيدة

لم يجد المواطن سليمان بن زعل الشمري القابع في سجون نجران منذ 17 عاماً بعد قتله سيف سلطان الشمري، لم يجد طريقة يستحث بها أهل الخير للسعي في طلب التنازل من ذوي القتيل إلا نظم قصيدة مطولة، خاصاً بها قبائل يام، ومحدداً بعض أسماء شيوخ قبائل يام، فتحركت جموع من قبائل يام وهمذان باتجاه حائل، حيث يسكن ذوو القتيل، للقاء أمير منطقة حائل صاحب السمو الملكي الأمير سعود بن عبدالمحسن بعد مفاهمة بين إمارة نجران وإمارة منطقة حائل. وقصيدة السجين هي: يا فزعة المضيوم أهل نجراني شيوخ أهل نجران والأعياني يالفزعة اللي تنصف المضيومي لي بانت الخلة على العرباني لي جاء النهار اللي يثور غباره أصغركم اللي ينطح القيماني الوادي اللي محتمين حدوده منا ومنا والله الرحماني يا أهل البيارق والقنا والفزعة يا اللابة اللي تمنون الجاني هذا الليالي بالبلاوي تبلا والميل في الدنيا مع الأزماني تصبح السالين في دنياهم ويمسون في هم (ن) وفي حقراني وتهجد اللي غافل (ن) في نومه يصبح ضعيف (ن) عاجزن خسراني خريم أبو ساق يامن نزهم ينخاك من هو من وراء البيباني يا صامل الوقفه زعيم أبطالك يا مكرم الجيران والضيفاني انته محل القدر والجاهيه والفارس اللي ينزل الميداني تكفا ترا شومان قرب حده من نسل شمر بن زعل سلماني وانخاك يا بن منيف وانخا ربعك انخاك وأنا داخل الاسجاني لانك عقيد (ن) لي دعاك الداعي تفزع وتشفع وأنته الربحاني وانخاك يا ابن نصيب تكفا تكفا ينخاك من هو في سجن نجراني وانخاكم يا رجال وعيل واحد واحد والشيخ مقرع حق ابن هضباني وانخا ولد ذيب مبارك لانه ابوه ذيب وجده المهاني شيخ الرجال مكملين اللازم اللابة اللي ما بها الذلاني والشيخ ابن فهاد راعي البيرق محمد اللي ينزل الحداني أبوه عايض يحتمي في الماقف وخلف شيوخ (ن) كلهم شجعاني ولسلوم ننخا شيخهم ورجاله انخاك وفزع يا ولد قعواني وانخا قبايل يام كل (ن) باسمه وأنخا بني مره مع العجماني في منطقة نجران حل اعدامي ولا لي سوا يام وانا وحداني اصيح بأعلى صوت وأنخا يام باقي شهر للراس مع شوماني وقفة ودعوة والله يجازيكم باحسانكم يا يام بالإحساني والله مالي من يوقف جنبي أنخا وأنا شايب وحيلي واني عمري قضى الستين يمكن واكثر وما ظنتي في يام من ينساني يا فزعة المضيوم أهل نجراني شيوخ أهل نجران والأعياني