طعنات الظنون

سامح الله ظنونك يوم تقسى عليّه
وأنا من ما تظنه يا حبيبي بري
شي عابر ولا لي فيه ذنب وخطيّه
كيف أطالع لغيرك وأنت كل نظري
صدق ما قلت لكن كان عن حسن نيّه
آه والظلم طعمه مثل طعم الشري
أنا طبعي حياوي والنوايا مطيّه
وأنت خايف ومشكلتك عليّه جري
صرت مثل الذي يجزى الحساني بسيّه
ورحت عني وصارت عبرتي بنحري
بس تدري اليا بار الخوي بخويّه
وش بقى للوفا يا بري حالي بري
منك ياللي توردّني على المهمهيه
وأنت غيث الظلوع اللي حياها حري
فيك ولا ترى ما هي لغيرك دنيه
علّم اللي اليا جاه الزعل ما دري
تدري أنك هناي وكل ما فيه يديّه
وأنت سبة عناي وضيقتي وسهري
أنت وحدك بقمة قلبي الداخليّه
ويا كثر من بغاها بس عوّد (قري)
والله أني من رجال الظفر والحميّه
بس لا شفت نظراتك تجيب خبري
وكان قصدك جروحك داخل القلب حيّه
الليالي تروح وجرحها ما بري
بس وقّف وخذها يا حبيبي وصيّه
تحمل اسمي وتوقيعي وبعض صوري
أنت خلك على شكك وأنا ما عليّه
وخل طعنات ظنك كلها بظهري