اترك جميع الهرج

هات القلم واكتب جديد معنايه
الشعر له بين النشاما محلي
يابو هلا ماني عن الدرب تايه
اختار ذلك واتخير هذّلي
من دون جم البير ما قصر رشايه
علم عنه يقصر كلام المغلّى
وانا ما قول القول من من دون غايه
ولاني بقول الله يجيرك حصل لي
لا شفت في بعض الكلام التوايه
سكرت سمعي عن كلام يخلّي
ما تنقص الرجال هرجة دعاية
شهود الله اوكد من كلام يزلّي
الناس ما تخفى عليها الحكايه
وحنا على اسلوم العرب نستدلّي
أوصيك باللي تحتفظ بالوصايه
اترك جميع الهرج دقٍ وجلّي
هذا كلام كان تسمع ندايه
وإن كنت مخطي يا ابيض الوجه قل لي
الحر ما يرضى كلام الغوايه
عن الطمان يتوق يم التعلّي
ومن لا صبر لابدها باالنهايه
لو دل مرة مرةٍ ما يدلّي
وصل الهدف يابو هلا والهوايه
المجلس اللي لا نصيته يسلّي
مابه كلام تقتفيه ارتمايه
لو طال وقتك بينهم ما تملّي
علوم سندها من صحيح الروايه
عقب الكلام اللي سمعته يهلّي
هذا هوى بالي وغاية منايه
وعز الله انه مجلسٍ جايزٍ لّي
الله لا يقطع رجاك ورجايه
اللي بظله دايمٍ نستظلّي
أعطيت نبذه وأنت تفهم مدايه
لعل جهدي في محله يحلي
من لا عرف درب السنع ضاع رايه
ومن لا قرا بالفاتحة وش يصلّي