هامة المجد

للحرف عشق وللقصيد اتجاهات
وللمدح فلك وخارطات ومداري
وللعدل عدل وللزعامة زعامات
وللحكم حزم وللنوايب مذاري
وللمجد هامات وللعز وقفات
وللطيب بوجيه النشاما مواري
هذاك أبو متعب زعيم المروات
النادر الزحزيح ذيب الغداري
مارث زعيمٍ له بمالأمجاد رايات
يوم أنها خيلٍ وليل وصحاري
مليكنا تاج الفخر والشهامات
له حب صادق صدق ما هو تجاري
محبته فطره من الذات للذات
فطره من المعبود ما هي اختياري
عبدالله اللي له بالأمجاد شارات
به نخوةٍ فطره ولا هو مماري
إذا نخيته ينتخي عشر مرات
ويعجبك في موقفه سبع الضواري
إذا نخيته ينتهض فيه نخوات
شبيه حرن شاف جول الحباري
وإذا التفت صلفٍ بعينه شظيات
وإذا ابتسم غيثٍ من المزن جاري
ون مد مداته سمان وجزيلات
وله ضل يذري عن لهيب الذواري
ومن يزبنه عن زود ضلم ومضاضات
انا اشهد انه عنه ما هو متواري
لمثلك ترد المعضله والعضيمات
لستفحلت يا سيدي تستشاري
بك تعتزي يعرب اذا جت مطمات
ستر العذارى لا بسات الخزاري
يا سيدي والله نعم الزعامات
لا عدو رجال الفخر والمساري
تبهج فواد الطيب لا حل حزات
وتلفتو به عن يمين ويساري
كم مع دروب الطيب خذيت سجات
وعانقت بدروبك نجومٍ سواري
وما هي غريبه يا زعيم المهمات
لك بالوفا والطيب سبق ومحاري
الطيب ياخذ من مناهلك جرعات
يا منهلن للطيب عذب وجاري
يا عالي الهمه ويا طيب الذات
يا شيخ لك بالطايلات انتصاري
يا سيدي نعمين لا حل قالات
تسطر مواقفكم ويقراه قاري
انت الذي للفخر والمجد هامات
يا معلماً للفخر صرح ومناري
كم في كفوف الخير قضيت حاجات
مواقفك والله ما له مجاري
انشهد انك تستحق الإشادات
بفعولك الي مثل شمس النهاري
ومن لا شكر مخلوق له طيب لفتات
محال يشكر خالق الكون باري
قلته وفا والا انت فوق المقالات
ترفع لك البيضاء اذا حل طاري
يا سيدي حارت بك الأبجديات
كلن يبي بوصفك يجي او يغاري
حرفي معك تصعب عليه المسافات
ببعادكم صعبٍ احدد مساري
وعن وصفكم عذراً تعجز العبارات
بمحيطكم تعجز وتغرق بحاري
منت ببحر انا اشهد انك محيطات
وبمحيطكم والله زاد احتياري
تبي الحقيقه صدق ما هي مراوات
من لا انجبت مثلك فلا له يشاري
الله يجيرك من صواديف الافات
بجاه الله المعبود منشي الذواري