معاهدين بالولاء

لج الوطن كله من أقصاه لأقصاه
واطويق ناح وجاوبت له هضابه
ستة وعشرين الخبر حيل مدهاه
جماد ثاني حاسبين حسابه
الشعب ينعى طيب الصيت ينعاه
ادموع شعبه مثل وبل السحابه
فهد الفهود ان جيت اعدد سجاياه
يتعب فكر يتعب قلم بالكتابه
خادم بيوت الله يا طيب مسعاه
رجل السياسه والدها والرحابه
العلم شيد فوق صرحه ومبناه
فوق الثرياء ماتوانا رقى به
الجامعات بفخر تكتب وتقراه
اسمه يذاع بجيته في غيابه
والامن في حكم الغضنفر تولاه
ما فيه لا مجرم ولا به عصابه
من مال سيف الشرع مآواه مآواه
الدين والتقوى زهابه زهابه
اليا اعتزي مدهاه مدهاه مدهاه
يرقى سنود من احتمى وانتخى به
واليا التفت لعداه تصفي وتخشاه
معلوم يزرع بالقلوب المهابه
وياما وياما مدت الخير يمناه
غيثٍ وشعبه باركه واهتنى به
عسى جنان الخلد نزله ومثواه
وعسى مقره مع وجيه الصحابه
واخوه ابو متعب على نهج ممشاه
نفس السجايا والشبه والتشابه
امبايعه شعبه ولا به مراواه
صادق ولاء صادق وفاء لا غرابه
شعب ابي ولا تعدد مزاياه
يمشي على يمة طريقٍ مشى به
وولي عهده راعي المد والجاه
الطيب سلطان المسمى حظى به
الطيب يرضخ له تواضع ويهواه
صدق التوى بالطيب صدق التوى به
يضحك على شرب المصايب محياه
والله شلع بالطيب حضرة جنابه
ويا سيدي يا مبتدا العلم منهاه
يا بو فهد طب الخصيم وعقابه
يا معزبي يا كاسب المجد والجاه
يا فزعة اللي لا ذبه واعتزى به
شفت الجموع وشفت شعب الموالاه
الشيخ واللي جاك بأول شبابه
معاهدين بالولاء يشهد الله
من كل قطر وصوب أهل وقرابه
الاب وصا الابن وصاه وصاه
بالدين يسعد من حظى واعتنى به
ثم الملك ناقف بجنبه ونجزاه
اليد وحده والتكاتف هلا به
والا الوطن بالدم والعمر نفداه
والله ما نرخص شبر من ترابه
ما اغلاه والله مهبط الوحي ما غلاه
شامخ ومن زادت همومه لجى به
لج الوطن كله من اقصاه لدناه
واطويق ناح وجاوبت له هضابه
سعد بن صالح السهلي