البقا في اخوان نورة

الله الدايم ولا فيه مخلوقٍ يدوم
ربنا سامع دبيب النمل وسط الظلام
نلتجي بحماه وقت المصايب واللزوم
ومن لجا بحماه وقت الشدايد ما يضام
عقبها برفع تعازي قبيلتنا عموم
في الفقيدة خادم الدين والبيت الحرام
يالله ان تجبر عزانا فقيدة كل قوم
في وفاة الفهد رمز العروبة والسلام
ويالله انك ترحمه يالطيف ويارحوم
وتدخله جنات عدنك وخيراتٍ جسام
والبقا في اخوان نوره مطوعة الخصوم
حاكمين بالشريعة على نهج الامام
شجرة آل سعود طيبٍ تجدد كل يوم
ارسخي يا شجرة الطيب عالين المقام
هم ذرا للشعب من حر لفحات السموم
حاكمينٍ بالعدالة وشرع الله دوام
الولا ثم الولا لك يا ابو متعب لزوم
من على جداننا ما نساوم بالكلام
والولا لك يا ابو خالد عسى عمرك يدوم
انت عضدٍ لابو متعب يشدّ ابك الحزام
السعد يا دار الاسلام وارجال قروم
في ذر آل سعود خيرٍ وحكام كرام
الوطن غالي ولا نستمع شين العلوم
من نوانا بالقشر جعله الله للعدام
نحمد الله أمن وامان وأنعام تدوم
الفضل الله وحده علينا بالتمام
دام عز المملكة دام والبيرق يقوم
يرتفع في كل ديرة على راس العلام
والختام ازكى صلاتي على خير معصوم
النبي الهاشمي عدّ من صلّى وصام
راشد بن خريزان بن حمد آل ثلاب القباني