كريمين السبال

يا وجودي عقب فرقى كريمين السبال
الرجال اللي توقف لما بان اللزوم
الرجال اللي توقف لمن الحمل مال
ترتكي للحمل عند الشدايد ثم تقوم
والشدايد ما يوقف بها كون الرجال
الرجال اللي تعرف المواقف والسلوم
ويا وجودي وجد من حدته سود الليال
حدته سود الليالي على عرف الرخوم
حدته حاجات بقعى على رجال مال
مادرى أن المال يفنى ويبقى المدح دوم
ويا وجودي من كلام كما وقع السلال
جابه اللي في حياته ما جرب ومخدوم
غرته لأيام والوقت معطيه المجال
وفي جميع الاتجاهات صاير باش روم
غرته نفسه ضعيف الهقاوي والريال
ما درى انه لجل ماله مقدر ومحشوم
قدره ناس عليهم زمان الجور طال
وفي زمان فات وافين والشي امعدوم
فيصبر اللي حط رجله على الجرف الهيال
ويتحمل للعواقب ولوعات السموم
القوي الله ولا غير ربي من نسال
الكريم الواحد المعطي مجلّي الهموم
بيده انه يعدل الحمل كان الحمل مال
وبيده انه ما يحد الكفو على الرخوم
مهدي بن مسفر بن عليان الحبابي