الإرهاب

يا دار والله ما يدنسك الإرهاب
مادام دولتنا تحكم الشريعة
مادام أبو فيصل لنا درع وحجاب
ولأسره اللي دائما بالطليعة
يا دار حنا لك عن الشر حراب
والي نوى الفتنه نشيب رضيعة
يا نايف لك النور ما غاب
وزارتك سيدي نالت درجت رفيعة
يا سيدي دون الوطن نرخص أرقاب
الحصن حنا والدروع المنيعة
على العهد حنا على الشرع وكتاب
ومن خالف السنة حشا ما نطيعه
لا لا يهمك من تستر ورى الباب
نكسر عليه الباب نلعن صنيعه
أذناب لشيطان جند مطيعة
صدق ولي العهد سماهم اذناب
قتلتم الأطفال بيديهم العاب
ولا خفتم الله بالفتاة الرضيعة
أنتم مثل شارون أنتم له أحزاب
بعتم شرفكم يا لوجيه الوضيعة
لبست من صهيون بدله وجلباب
خلاك تقتل والدينك تطيعه
الدم بخوانك على الأرض سكاب
وآخر نهايتكم بموته شنيعة
الله تواب على كل من تاب
سلم وتسلم لا تصيح القطيعة
انعم براحة عقب ما كنت مرتاب
ولا ترى مسكك بيدنا سريعة
فرحان بن حمود البشري الحربي